一個人的空間

８月２６日（日）

今日．．．痴線呀！唔洗返工都比平日更早起床．點解？　

因為．．．．．

約左師傅今日　７：１５ａｍ學車囉！〔今日上３堂．由７點３學到９點半〕

我真係未訓醒！遊緊魂．發緊夢．．

 

今日我被後面架車閃我．．．原因我見前面紅燈著左咪停左晌路中，但．．

其實我條線係不受交通燈管制，可以直落轉彎．　又給師傅話我唔睇野

我呢～西利呀：之前鏟上壆，又差ｄ入錯對頭線，又試過被的士cut線，　又唔認路

師傅講笑話我係：　危險人物呀！！！

睇黎．．．我自己都要評估下．．．應否適合駕車（我真係唔識認路呀！點算呀！？）

但我問師傅，　佢又話我ｏｋ，做齊晒要做既野．

佢仲話唔想之後再見我，我都唔想呀，我要努力呀！（壓力．．）

*　*　*　*　*　*　*　*　*　*　*　*　*　*　*　*　*　*

　學完車都係　９：４５ａｍ，我約左人１２：３０黃埔等，但又唔想返屋企後又出黎，於是走左去又一城．．．．．．．睇戲攝時間！

原本想睇周董，但趕不上，心諗又唔想一個女仔睇喊戲咁慘慘．．最後決定睇

＜黎多件衰鬼上帝＞

笑到ＰＫ呀！其中有幕笑到我喊～

咁大個女都係第一次一個人去睇戲．．

個feel都幾得意～　上一集二人睇，今集一人睇．感覺唔同晒！

其實．．．　我都可以好獨立！哈哈～

我要努力學車，考好個路試呀！！！！！！！！！！！！！！！！！！！