1月25 ( 二 )
頭 2次到威爾斯做產前檢查先生都冇陪我去, 係因為佢少假期, 想留番等BB 出世後才放假可以多D陪我. 但今日, 我就指定要佢請定假陪我, 原因係今日照結構性超聲波, 可以見到BB 的五官, 心肝脾肺腎, 手手腳腳, 仲可以知道 BB 的性別呢.
今日一早起身, 我同佢到樓下商場吃個 KFC 早餐, 之後乘馬鐵到威院,
今次冇度高, 磅重, 量血壓, 一黎到就叫?我倆到某房門外等候....
等等下終於叫我入房, 點知姑娘話先生唔可以跟我入黎喎.... ??
入到房我先知道先做個陰道產檢, 我之前都未試過做呢個檢查, 所以姑娘問我是
否好緊張呢.. 當然緊張啦, 我有少少膽心會整到BB 嘛. 做完陰道產檢後, 又叫番我出去繼續等照構....
點知... 等吓等吓.... 都等咗成 30min 以上, 好悶, 又怕悶親Cut少, 冇幾耐，有個姑娘叫咗我倆去另一間房，照另一樣嘢，原來係照3D , 姑娘話影BB個樣仔給我作留念的，但照?好耐，BB 一係用手仔遮住，一係將面仔望向後面，影唔到！我哋襯呢個機會問問姑娘BB 係囝定囡啦，姑娘指住螢光幕問我見到咩？我哋唔識答，老公問係咪囡呀？（原來佢鍾意囡囡多d）姑娘話係囝囝呀！因為影唔到樣子，姑娘唯有影咗張BB的大脾3D照給我留念。
照完3D, 又行番去繼續等照結構啦，等咗一陣，終於叫我個名，同老公一齊入房，我倆睇住螢光幕，姑娘一面照一面講解呢個係：五官啦, 大腦細腦、心、肝、脾、肺、腎, 有5隻手指仔啦，5隻腳指仔啦, 糧度所有器官都非常正常正常！我倆一面睇一面開心笑，再問多次姑娘係囝定囡啦，佢都係囝囝?
照完結構可以離開醫院了，原來已經一點了，我倆by 的士去大家姐間公司坐?，告知佢?BB 的性別，坐咗一陣，我同Cut少就離開，到沙田新城市行下，到Burger King 食下午茶。就回家了。
