新住客....

７月尾，屋企黎左個新成員，佢暫居我家大約一個月，係女孩子黎．．

但．．．

我對佢冇乜好感囉．．

我唔想佢霸左我媽媽．．．

＜ 就係佢，叫苯豬．

 ＜有我晌度，我係最大！

 

偷聽到媽媽講．．．　隻女仲要住多一個月呀．．．　

咁姐係住到九月尾先走啦

 

今年第一份.....B-giFt

今日又多番好多job做，下午仲要開會５点半～７点，好慘 好煩 好趕！

不過．．．．

今日上午，突然間發現我個位桌上有份禮物出現左，好開心呀．．．　究竟邊個送架？

　原來係一個男ｓａｌｅｓ　ＫＬ送～　好突然囉！上年聖誕都突然地送上禮物，我冇諗過今年生日都有禮物收呀～　

因為明晚飯局因我要學車的關係而冇得去食，故佢私地下送上禮物一份給我．

好心急地，嗱嗱聲拆下究竟送咩俾我啦～

原來係．．．．．．．．．．．．

　ＣＨＩＰ　＆　ＤＡＬＥ燈座 及 筆一支，我好鍾意呀．．．　

（除左ＰＩＮＧＵ，佢地都係我的至愛公仔）

個燈座著左燈會係．．．．咁

多謝　

我係媽媽的至愛

我係一隻灰鸚鵡，由我四個月大的時候，就由媽爸帶我到佢地屋企，一住就住左三幾年了．

今年我都四歲大ｌｕ～　我好聰明架，最鍾意企晌媽媽的膊頭上，媽媽做自己野，我就ｒ自己毛毛，

我又好鍾意ｄｕｐ底個頭仔叫媽媽幫我ｒ頭頂毛，媽媽ｒ得我好好舒服架！

媽媽一得閒，就同我玩，有時媽媽仲會親手做玩具給我．

近排，屋企多左個成員，我唔鍾意呀！

 

 

↑２００３年３月３１日攝，四個月大，個樣仲好BB

 

一個人的空間

８月２６日（日）

今日．．．痴線呀！唔洗返工都比平日更早起床．點解？　

因為．．．．．

約左師傅今日　７：１５ａｍ學車囉！〔今日上３堂．由７點３學到９點半〕

我真係未訓醒！遊緊魂．發緊夢．．

 

今日我被後面架車閃我．．．原因我見前面紅燈著左咪停左晌路中，但．．

其實我條線係不受交通燈管制，可以直落轉彎．　又給師傅話我唔睇野

我呢～西利呀：之前鏟上壆，又差ｄ入錯對頭線，又試過被的士cut線，　又唔認路

師傅講笑話我係：　危險人物呀！！！

睇黎．．．我自己都要評估下．．．應否適合駕車（我真係唔識認路呀！點算呀！？）

但我問師傅，　佢又話我ｏｋ，做齊晒要做既野．

佢仲話唔想之後再見我，我都唔想呀，我要努力呀！（壓力．．）

*　*　*　*　*　*　*　*　*　*　*　*　*　*　*　*　*　*

　學完車都係　９：４５ａｍ，我約左人１２：３０黃埔等，但又唔想返屋企後又出黎，於是走左去又一城．．．．．．．睇戲攝時間！

原本想睇周董，但趕不上，心諗又唔想一個女仔睇喊戲咁慘慘．．最後決定睇

＜黎多件衰鬼上帝＞

笑到ＰＫ呀！其中有幕笑到我喊～

咁大個女都係第一次一個人去睇戲．．

個feel都幾得意～　上一集二人睇，今集一人睇．感覺唔同晒！

其實．．．　我都可以好獨立！哈哈～

我要努力學車，考好個路試呀！！！！！！！！！！！！！！！！！！！

不能說的秘密．原聲大碟

周杰倫套 <不能說的秘密>....

我仲未有時間去睇.....  唉..睇黎要等出DVD 喇....

但．．．．　隻原聲大碟就出左.....

OK啦~ 聽完就更加想睇..........

好正....

一面聽一面諗緊套戲的畫面..... 聽完更加想睇！

同大家分享下：

周杰倫_不能說的秘密_原聲大碟- 02 腳踏車

周杰倫_不能說的秘密_原聲大碟- 18 Secret(慢版)

不能說的秘密_原聲大碟 - 23 琴房

不能說的秘密_原聲大碟 - 24 Ending

我好鍾意呢首:

周杰倫_不能說的秘密_原聲大碟- 19 Angel

述 1 - 嚇

今朝起床, 從睡房望出去...

對面的三門仔不見了... 對面的山頭被厚厚的雲霧遮蓋住, 矇矇矓矓的畫面,  很悽美!

 

 

 

  琴晚學車, 好驚險!

我知道, 的士/貨van/私家車... 遇到學神都會爬頭. 我都見慣不怪!

之前有貨van突然cut線, 停在我前面一個車位, 咁我都有時間去打燈爬前. 點知昨晚..................

好突然地一架的士由我右邊爬頭, cut入.. 停車落客, 短短數秒鐘, 我來不及停車, 幸好師傅反應快,  殺停左架車. 原本我諗住打燈爬頭繼續行駛, 但師傅一手控制我手軚, 扭左扭右, 我唔知佢想點, 嚇到我雙手離軚..任佢扭!

原來師傅停在的士司機位格離, 掘實司機! 我驚驚唔敢再亂叫亂郁了....

的士司機冇望過我地, 落完客後繼續行駛了....

 

我真係被 : 師傅的突然舉動 / 的士司機的魯莽駕駛 嚇親了!  

 

 

 

 

 

最愛還是你 - 唐禹哲

沒開口的話 怎樣才能懂
我好想把畫面倒帶回頭
你留在我心中 熟悉的表情
每個溫暖純白的記憶 穿越了距離

擁擠的人潮 沒有人知道
我偷偷想你 嘴角就會笑
不要說對不起 也不要問原因
就讓世界不停的向前 別忘記從前

最愛還是你　這是我的決定
像宇宙相對的星　互相吸引
慢慢就會靠近　還是要愛你
時間會證明　我愛你的勇氣
牽著你的手　才知道是永久

擁擠的人潮　沒有人知道
偷偷想你 嘴角就會笑
不要說對不起　不要再問原因
就讓世界不停地向前　別忘記從前

最愛還是你　這是我的決定
像宇宙相對的星　互相吸引
慢慢就會靠近　還是要愛你
時間會證明　我愛你的勇氣
牽著你的手　才知道是永久

這一次我放棄了所有 是為了再與你相遇

最愛還是你　這是我的決定
像宇宙相對的星　互相吸引
慢慢就會靠近　還是要愛你
時間會證明　我愛你的勇氣
牽著你的手　才知道是永久

一輩子不放手

 

 

無意中聽到佢d歌, 才留意呢個人, 23歲的唐禹哲 Danson Tang , 同我一樣處女座. 幾靚仔^^!