回娘家見媽媽爸爸

5月31 ( 二 )

今晚, 到99 家吃晚飯, 食完晚飯後, 同老公離開, 因為我要返媽媽家拎d 嘢...

駕車到紅磡, 爸媽居住唐樓, 要行4層樓梯, 近呢二個月, 我個肚漸大後, 都少咗回娘家了. 因為行完4 層樓梯後, 的確好攰好辛苦~!

上到去, 媽媽都話我做咩行上黎, 叫老公一個上黎咪得囉, 但我都想見父母你哋嘛,

媽媽親手煮咗壺燕窩給我, 又話我冇見一排個肚又大咗咁多. 要我小心d , 爸爸又好似瘦咗好多呢.....

坐咗一陣, 我哋都離開了.

產假第一日開始了~

5月30 ( 一 )

終於放假ar ))))))))))))))))))))))))))))

昨晚我瞓得最"林" 喇, 唔再因為公司嘢失眠了 !

今日 3:00pm 獨自出門,  到樓下大x 活吃個下午茶餐, 再到東亞銀行 cut 咗張咭去, 之後...... 就周圍行, 周圍逛. 到日本城買咗小童衣架, 好細個好得意, 又到千色店買咗d日常用品, 又搵文具店睇吓有冇啱心水的相簿 ( 想入晒之前照超聲波的 bb 照 ) 竟然行下行下都行咗 2個鐘才返屋企...

哈哈, 我好耐好耐冇過個呢種優閒生活喇 ~~~~~~~  

去一田買嘢

5月29 ( 日 )

一田近排做優惠日, 全線貨品大減價, 我一早己經資料授集, 到媽媽/BB 論壇睇過, 都話超級多人. 有晒心理準備.

所以, 今日一早, 同老公駕車到一田, 11點到, 但己經好鬼多人, 可能今日係星期日啦.

我哋主攻BB 日用品部, 其實我都好想慢慢睇慢慢簡呀, 但係真係非常非常之多人囉, 我個肚又大, 老公又驚我俾人撞到, 於是快快買咗件BB 睡袋, 就話要離開, 但我又想買孕婦嘢, 於是穿插人群中到 010 孕婦店, 用咗$ 1400 買咗4個 哺乳bra, 個 sale 姐姐仲好細心地幫我tim~

BB 床送到

5月28 ( 六  )

早幾日, 我在護協訂咗個白色 BB 床, 今早11點幾送到喇. 好開心呀..

老公立即砌好佢, 但點知班送貨工人漏咗4個輪的鏍絲, 所以4個輪未能安上, 要等到星期三 ( 1/6 ) 再補回給我哋. 見到張BB 床好興奮, 好想BB 快D出來.

於是, 下午同老公駕車到吉吉島, 買 BB 床上套裝, 因為知道呢排做緊 BB 展有減價貨.

37週。到仁安做產檢

5月27 ( 五  )

遲咗離開公司, 所以都急趕, 好在老公駕咗車返工,, 約咗佢在油塘等我, 再車我到仁安.

去到都6:10pm 今日冇咩人, 我估應該係政府實施咗禁止內地孕婦來港產子的政策, 少咗呢班人...

上次幫我驗 鏈球菌測試報告出咗, 冇問題. 當照超聲波時, 霍醫生都係話 BB 個頭真係好落, 會隨時提早出世, 要我倆有心理準備, 自從上次霍醫生都講同一說話後, 我都有晒心理準備的, 但點知........ 今日霍醫生通知我倆 , 佢會在 1/6 ~ 2/6 唔在港, 如果咁唔好彩撞正呢二日我作動的話, 會有另一個醫生幫我接生的, 叫我倆不用擔心. 吓~~~~ 唔擔心就假呀! 睇開妳嘛, 緊係想妳幫我接生啦...  我又開始擔心起來呀

所以下次booking 要遲多一個星期, book 咗 8/6早上9:45 見醫生....

 

( 唔知BB 幾時出世呢 ?? )

咁似 Last Day ?

5月27 ( 五  )

今日係放產假前最後一日返工, 而且我今日又會提早放工到仁安產檢. 所以時間非常緊迫......

今日下午, 約咗一共 14 個同事, 到權發酒家食 lunch , order 咗9碟餸, 話要長長久久喎... 有你哋陪我一同吃呢餐飯, 仲請埋我... 真係好開心.. 好窩心囉~

 

吃完飯, 返公司. 其實我個心都飛咗出去了, 掛住周圍搵人影相, 話要同大家影下我個大肚look  作留念~  !!!!

 

唔夠時間, 大家又忙. 有好多同事都未能合照, 在此同大家講聲~ 對不起!!

又話4:30pm 離開公司. 搞吓搞吓又到5:00pm 才走得甩~

我要趕去仁安呀................................... bye bye 各同事,

2個半月後再見~

 

37週> 到威院檢查

5月26 ( 四  )

今日約咗 早上 11點到威院做檢查, 又係一如以往, 磅重, 量血壓, 驗尿...., 之後坐埋一邊呆等.. 等... 等.......

等到12點, 終於叫我個名了, 醫生幫我量肚圍, 按二按個下盆骨位置, 以及聽吓BB的心跳聲, OK ~! 搞掂, 走得了, 不過今次政府醫院唔係約我下星期, 竟然都係隔 2個星期後再黎喎.... 我估佢哋都知道我到仁安生, 唔需要約我咁密黎lu...~ 

下次的booking ( 6月9日) 我應該唔會到威院了, 實在太浪費我時間喇 ~ ( 等就等成個鐘! 見就見15分鐘!! )

36週。到仁安做產檢

5月20（五）

今日又係約咗6:00PM 到仁安見霍醫生,  醫生問我緊唔緊張時, 我都仲未俾咩反應佢, 但當照超聲波時, 醫生竟然同我?講, BB個頭好落了, 有機會早出世呢... 吓..
擔心~ 擔心~

照完超聲波, 今日要做鏈球菌測試, 以及 check 吓盆骨夠唔夠位, 做鏈球菌測試只係取陰道的分泌物, 好簡單的. 但當醫生幫我驗盆骨位能唔能自然生產時, 佢將成隻手放入陰道去摸, 就痛得我很呀... 佢仲話好似摸到頭仔呢.... 佢叫我嘗試吓順產先..  ( 死啦, 佢成隻手伸入去我已經感到好痛, 咁... 成個BB 出黎 我咪痛到死去活來??????)

做完測試, 醫生話有可能有少少血絲, 但唔需要驚慌的.

醫生話約我每個星期回醫院覆診...

約了下星期五( 5月27日 ) 再去...

35週> 到威院檢查

5月12（四）
 
今日約咗10：15am到威院做產檢，不過又一等就等到中午12時才見醫生。

今次係男醫生喎 ，都係第一次見男醫生的。佢幫我量度肚圍及盆骨，跟住係聽埋BB的心跳聲，檢查完畢！

醫生再睇我個血糖測試報告時，話我唔太隱定，要我一定要自我控制，仲話有機會BB會提早出世，其實.........

我都少咗控制自己呢.... 所以我都擔心對自己及BB 都唔好... 唯有克制自己啦..

book 咗 下次 26/5 , 11:00am 到威院.

34週。到仁安做產檢

5月6（五）

今日lunch 同班同事飲茶，吃得好豐富呢。

原本今日一早拎咗半日假，但搞到4：30才離開公司，約咗下午6：00同老公到仁安醫院產檢。可能今日餐午餐太豐富的關係，今次驗尿的指數好似高咗d！

今日等見霍醫生等好耐！等咗半個鐘後終於見醫生，醫生第一句又話我：你又冇重喎？係呀，我晚晚磅重都發現一磅都冇重過。醫生又問我，今日我已經34週4了，有冇諗過選定順產定開刀，我答佢仲未諗定，醫生就話下次約見時，等佢再講解，同埋下次醫生會幫我check 吓盆骨夠唔夠位以及做鏈球菌測試。

傾完去照超聲波見到BB（最期待呢一刻），醫生話BB頭仔已經向下，check 到BB 而家大約4~5磅，醫生同我哋講，BB屬中形size，一切正常，唔洗膽心！洋水都夠。照完BB，老公問醫生話我冇參加過產前講座／課程，生BB時有冇影響？醫生話冇上當然冇問題啦，生嗰時我會教佢點做！哦~~~我都放心d,（我冇上堂學，我怕唔識用氣push ），之後，老公問醫生關於醫生費用.....

自然分娩（4日3夜套餐）標準4人房：$16880

醫生費$15000

每日巡房費 $800

每日BB 巡房費 $500

只計呢個價錢大約$3萬7，

如果選擇剖腹分娩，大約$4萬6

仲未計其他雜費、葯物費、膳食費等！老公話預咗4~5萬啦@_@

最後，再預約咗20/5， 6：00pm再見醫生！

(今日晌公司同個大肚婆傾計，又傾心得，我仲摸摸佢個肚，傾開知道公司員工放產假嗰10個星期，係會扣起人工的1／5，同做產檢唔當病假要扣人工一樣，勞工法例！)