開開心心唱歌仔

上星期日下午, 在家收看J2 台, 睇<< Kawaii TV >>介紹日本女仔做手作. 跟住繼續收看<< 寵物大本營 >> , 一心睇下日本班貓貓狗狗, 點知有鸚鵡出現呀, 一隻會唱歌, 仲會改埋歌詞的灰鸚鵡呢.

因為, 我個高清盒暫時冇得錄, 唯有嗱嗱啉拎到相機出黎趁未播完拍底佢, upload 上youtube, 再擺上黎同大家分享下..

如果睇唔到條片, 就直接按入去睇啦:

 http://www.youtube.com/watch?v=Bv_nKSbNZzo

 

端午節 .

５月2８( 四 )

今日端午節,

應該要吃番個應節食物

 

碗：係Cut少包的,  碟：係我包的,

今年吃上由自己親手包的粽子, 感覺特別d 的

 

晚上, 睇左 <<敗犬女王>> 第一集, 

噢~~~....

女主角無雙所用的鎖匙扣, 我都曾經用過一排呀! 

睇埋預告的第二集已經好想繼續收睇,

不過, 明天要返工的關係,

明晚又要追看大結局...

所以,

都係留待星期六再睇啦^^

 

 

當女主角穿上 pingu 睡衣,

表現出又寂寞又無奈的表情時,

突然間腦海有一個疑問 :

唔通喜愛 pingu = 敗犬?

no~! no~! no~! no~! 

 

 

 

 

pingu 上電視~

熟識我的人都知道... 我愛

  !!!

 

估唔到, 近排台灣熱播的 敗犬女王 這套台劇, pingu 在戲中無處不在! 原因係女主角單無雙(楊謹華演) 又係非常喜愛企鵝仔pingu呀 !!!! 按入去睇下pingu 戲照

好野, pingu 終於可以抬起頭來, 上電視了!!!!

好~ 就給大家去找找 pingu 仔的位置~

敗犬女與pingu d 戲照:

                     一睇就見到la~ 無雙攬住 pingu , sofa上條毛巾我有呀!!

                        pingu 在遠處中間, 床上望住鏡頭呀!!

                        pingu 在左上角呀^^

                                                                   呢張.. 大家唔好掛住望男女主角啦~ pingu又攝左出黎別喇~

 

*敗犬意思指30歲以上，事業有成, 但在愛情卻無著落的女性!

台灣好似剛剛播完, 香港無線收費台星期日都有得播呀!

想睇呢.......

 

 

 

 

包粽子

５月２３（六）　

晚上在奶奶家吃飯, 吃過晚飯後, 就被二家姐及奶奶要求幫手, 準備包粽子的才料.

咁大個女都係第一次學人包粽子的, 平時我媽咪每年都有包開的, 但年年我都冇幫手, 今次, 奶奶叫到, 要我跟二姐去學, 一句命令, 我又點敢唔去幫手學包喎.....

唯有抱住去玩下, 去幫下手的心態學包囉~

今次包係: 咸肉粽,

材料:  粽葉,  水草, 糯米, 綠豆, 腩肉, 臘肉, 臘腸, 及栗子!

           

將調料: 先將 油 & 鹽, 放落糯米及綠豆內, 再搞暈..

 

腩肉, 臘肉, 臘腸, .. 等等, 切成細少塊, ( 今次冇咸蛋, good~! )

 

Cut少又話要試下包粽, 所以佢都好留心去聽每一個步驟.

 

哈哈哈~~~~ 呢個係 Cut 少的第一次包的怪粽, 明玩野啦..

 

呢個就係我的第一個自己包的粽子呀~! 成功了!! ( 係樣衰dd既.. )

 

我冇拍底包粽的過程, 係因為大家都忙著包粽, 因而冇人幫我影呀!

不過過程好容易, 唔太困難, 係唯獨是, 我同Cut少都包得個size 都好細個的.

包下~ 包下~ .... 包下~ 包下~

Cut少只包了 5~6 個後就唔再包了,  而我就要繼續幫手, 連自己都唔記得包左幾多隻,

都算成功啦, 好滿足o架喇! 

食就食得多, 自己包就真係第一次, 今個端午節可以食到由自己包的粽子,一真係好難得呀..

下次我都可以幫媽咪包粽先....

 

 

 

亞洲動物天地 1day遊

５月１９（二）

今日向公司請左假, 原因係陪父母及細佬到海洋公園睇國寶..

唔想屋企人露面 .. 

一黎到當然要去一去新落成的「亞洲動物天地」參觀參觀啦

                            館內會見到: 巨型金魚、揚子鱷、小熊貓、蛙蛙魚、小水獺、仲有大熊貓盈盈&樂樂!

小熊貓及水獺都超級可愛! 走來走去, 游來游去, 冇時停!

進入金魚殿前, 有個露天廣場, 一個個金魚花燈都設有簽名板, 供遊人簽名留言.

                            當日早上, Cut少仲要考試, (但我就走左去玩) 唯有寫番幾隻字仔以表示向佢的祝福及支持! 仲有.. 我仲寫左d~~~........

睇完國寶, 撘纜車上山頂睇.. 水母、海獅、海洋館睇鯊魚深海魚、同埋去睇父母都好想睇, 到海洋劇場睇表演.

睇完表演, 落山睇熊貓安安及佳佳.

5點半離開海記~ bye bye~  

大家都盡興而返! 我仲攰到想死呀!

返到屋企, 我跟本累到冇氣同cut少講今日既開心事....

 

                               yeah~~ 我帶左佢地返屋企tim呀 

 

我影左好多相片, post 左上 facebook 內, 大家有間上去睇下~

又塞....?

５月１９（二）

今日請左日假, 陪父母去探班國寶...

點知比返工還要辛苦.. 攰到我傻呀...  ( 等我有時間再補打 "探國寶之旅" 及相片啦 )

 

～～～～～～～

言歸正傳..

                                呢枝係企棍..

 

                                係放入籠內的一支木企棍

 

                                支木棍要靠二邊的凹位, 才可卡得住籠邊的鐵支的.. 用處係給greg 仔來企的.

 

近日greg 仔好鐘意咬呢支木棍, 十足十咬蔗一樣, 當我卡左上去籠邊, 佢就會爪出來咬...

冇手尾的greg仔, 每次咬完將支木棍掉落地下, 於是我就會拾起諗住卡回上去籠邊.... 點知.. 今晚又塞住左d 野喇..

                                         發現其中一邊凹位, 塞住d 食得既野呀~~

                                         了番出黎先知道係合核肉!!!!

 

                                         清晒d 合桃肉, 洗刷完... 乾淨晒~

 

哎呀~~~~

激死我呀..... 成個過程給站在一傍的greg仔望著...

 

都唔知佢幾時塞入去, 又唔知佢點塞入去..

我只係知道佢隻衰豬又俾多d 野我做...

 

其實, greg仔有種塞野的習慣.. 大家可以入去 塞米 呢度重溫下

 

針包 diy

 

星期日,

無聊地做了一個針包給自己 ,

因為,

近排多用繡針及大頭針,

一直都冇針包的我, 用完的針線唔知點處理,

開始發覺好不方便,

於是,

從家中找到一些少碎布及公仔綿 ,

DIY 一個給自己.

 

 

還繡上一隻.......... 識單眼的 小動物..

 

手工麻麻!

而且越睇越似的..... 一個的小枕頭!

 

 

greg仔,

個枕頭仔好啱你用呀~ 哈哈哈...

 

 

 

 

,

超忙碌的一天..

５月１６(六)

昨日下午, 已經開始忙碌忙碌......

也知道今日會勁忙碌忙碌....... 但~~

段估都估唔到今日...... 係..... 超忙碌忙碌 !

=====================================

今日我team只有3個返工咋.  早上返到公司, 我同Allen 2個出外吃早餐,  哈~ 又會在茶餐廳遇見舊同事Vincent同佢一班成PO友~!  Allen 成個貓樣, 因為佢地昨晚成班sales去唱K賀亞roy走得甩, 佢成4點幾才離開, 其他人就繼續唱....... 佢仲話昨晚班舊同事嘈我又唔出現喎... 其實我都想見下班舊同事.. 聚下舊; 吹下水; 但唱k唱到通頂點頂得順呀...........?

吃完返到公司都未有野做, e-mail又冇... fax又冇....等啦..等啦..

11點幾, D job開始多, 嗰隻紫色稿好簡單, 但格離篇文字稿就改到9彩咁, 好在位Tommy哥唔太煩的.. 不過呢篇稿就用左我好多時間呀囉.... 收到Kanas send 俾我的e-mail喇, 死啦, 要幫馬小姐追稿, 又要跟Winnie 2 隻稿, 好多野搞, 班IT人上左黎話要每部電腦裝d 野, 其實我當時已經好"蚊"! Henry 走過黎話整我部PC, 我一句得左俾佢: "唔得囉! 等我放左工先搞, 但我都唔知幾時放得工囉..........!!" 佢聽完就對住我笑走左另一部機搞.... 其實回想起我真係好冇禮貌!

頂唔順呀! 求左Allen幫我跟Winnie 2隻煩到癲, 由2U 改1U的旅遊稿, 真係真係唔該晒佢肯幫我跟另一個Sales的客囉.... 跟住成班IT人企在我位,

我聽到Herny同人講:全層樓只欠我部機未搞,  OK! 我識做既, 我走開一陣啦........

正!! 簡直係超充實的一天囉~! 好耐未試過做到冇停手~!!!! 而且時間真係過得快, 唔經唔覺又到3點了... 要老公Cut少在公司樓下等我...sorr  好彩你冇發皮4咋.

=====================================

搞掂晒同亞Tab傾左一陣, 要走人lu~

Cut少揸左架車黎接我, 車左我去上環食 T...... 去左間裝修超古舊的冰室....

                               * 海安咖啡室  *

    

                                         我唔太肚餓, 所以我只order 左碟腿蛋治.. , 碗麵當然係........

 

                                          食完後, 走取車時, 周圍行下, 見到間舖頭賣 D好懷舊的用品, 例如:  木掃把; 竹筲箕; 竹手抽袋(竹籃); 竹帽; 竹隻; 竹扉.......... 等等, 好得意囉~ 影呀影呀影呀.. 之後經過間雀鳥舖, 入左去睇左一陣鸚鵡... 隻" 亞媽送" 玩到瞓晒身, 哎呀~~ 個背污嘈晒呀.

                                        仲見到隻眼瞓豬的灰鸚呀... 睇下~~ 個瞓覺樣識笑呀.... 超可愛呀