9月29 ( 二 )
老細發我脾氣....
其實我跟本唔知發生咩事...
假期將近.. 我的確好多野做...
我一個人顧唔到二個亞頭...
同事安慰我.. 我會更傷心... 由我吧
..............
.....................
..........................
整喊女人的男人... !!
我想放棄..
9月29 ( 二 )
老細發我脾氣....
其實我跟本唔知發生咩事...
假期將近.. 我的確好多野做...
我一個人顧唔到二個亞頭...
同事安慰我.. 我會更傷心... 由我吧
..............
.....................
..........................
整喊女人的男人... !!
我想放棄..
忍唔住喇...
小羊要過黎親近一下..
佢學足greg 仔咁... 先爬落地..... 行過黎我腳邊..
示意我佢要up 上黎.. 好搞笑 ^^
up 上大脾親一親, 爹一爹
除此之外.... 小羊竟然學greg 仔...
只係想同人分享..
澳門買既..
新同事亞翁, 知道我鐘意鸚鵡..就送左..
同事A先生一分遲來的生日禮物...
CRY去台灣買返來的手信..( 其實..我覺得可以當眼罩用 !! )
好朋友突然間.. 親自送去我娘家的一份禮物.. ( 差D嚇親我媽咪呀.. )
多謝.. ^^
如果當我一個人在家時.... greg 仔一定要痴住我..
我上網時... greg 仔一定要企晌我坐的凳背上.. 而小羊都好乖乖企定定, 但有時.. 都會塞驚無神飛過黎要企我膊頭要爹一番..
我記得小羊少有玩玩具的, 一晚, 清理佢地二個的籠底紙時, 見到小羊正在咬玩具^^
偷影時... 被小羊發現了...
9月20 ( 日 )
今日等Cut少返完學揸車過黎, 入左元朗新田... 睇古蹟..
未睇古蹟前, 先參觀文天祥公園..
一座大銅像
銅像後面的大石碑,刻上文天祥的一生事跡及刻上文天祥被關在蒙古監牢其間所寫的《正氣歌》.
行完文天祥公園.. 行過對面... 睇古蹟..~跟住呢個牌的方向向前行..
就到大夫第
富有中國的傳統的特色也有西方的裝飾,
有興趣去參觀下, 開放時間: 每日上午9:00~1:00及下午2;00~5:00, 逢星期二、聖誕日、聖誕翌日、元旦日及農曆年初一至初三休息, 免費入場, 仲有專人介紹屋內的建設tim.
去完大夫第, 諗住去埋 麟峰文公祠參觀, 點知我地二人入左去新田村後就好似迷左路咁, 唔識行, 唯有放棄, 離開時經過東山古廟, 係一座普通的古廟..
9月13( 日 )
小羊黎左我家都住左一星期了,
二隻小朋友同以往一樣, 互不侵犯.
不過, 呢二晚, 當Greg仔跟我入廁所沖涼時, 小羊就會飛去 greg仔籠頂上企,
俾佢企下當然冇乜所謂啦.. 但係.. 今晚...
當我沖完涼, 帶 greg 出廳就見到...... 小羊~~~>入左 greg 仔籠內..
偷食..
greg 仔睇到眼定定.. 避免佢唔開心, 於是我同Cut少都係將小羊帶離greg 仔間屋仔, 平息緊張氣氛先.....
小羊比上年越來越大膽! 會落地周圍行.. 又會飛向greg仔籠頂, 搞到greg仔又跟住飛, 二隻小朋友又會爭寵, 見到greg仔企我膊頭, 小羊又會跳過黎企埋一份... 但最擔心都係小羊的壞習慣 !!!!
今日下午約左金爺同金嫂交還防水相機, 去之前入左獅子會遊覽,
哈~ 我地唔識路, 盲中中駕左入單程路, 仲要係逆線以入, 嚇親個實Q呢.. 哈哈~
金嫂的確瘦左好多, 我都要努力D, 聽金爺講要飲中葯調節好身子呀..
因為我出門時唔記得關窗, 晚上的一場大雨, 我要匆忙跑回家關窗, 搞到台濕晒..
踏入九月... 又大一歲。
祝自己..開開心心, 身體健康.
9月2日, 放左工同Crystal到銅鑼灣稻香, 去到已經見到Bena , Esther & Teresa坐住等, 今晚我地5個女仔食左個6人套餐( 係因為我想吃壽包 ).
但份量太多, 最後都吃唔晒, 要打包待第二天當午餐吃. 多謝妳地
9月4 日, 放左工同Crystal出旺角, 得知仔仔同Tab & Margaret未黎到, 於是同Crystal到朗豪坊行, 見到金剛毛公仔好好想買... 又見到Pingu 擺設又想買.. 但最後二款都冇買到..... Riko黎到旺角, join埋佢又行左一陣家樂. 行到大約9點半到瓊華寧記打邊爐.
一黎到就收到大家的禮物多謝晒 ^^. 食到尾聲, 突然間仔仔送上melody眼罩俾我, 要我戴住影相, 順應大家要求, 戴住同大家續個影相留諗...
點知原來... 呢一刻, 我仍然被蒙在鼓裡.......
當我除底眼罩見到眼前的蛋糕時, 超愕然囉~! 冇諗過會有呀. 掛唔之得要我戴住個罩影相啦..原來係神神秘秘送上生日cake俾我..... 係我估都估唔到的..
好開心~ 嘻嘻哈哈過左一晚.
( Riko為我地每人送上的證件套好特別, 多謝 ! )
9月8 日, 正日. 10:00幾同老公出去... 佢又神神秘秘...原來係離島一日遊.
早幾日, 我終於晌澳門買左個鸚鵡公仔喇, 於是今日帶埋佢遊街街, 先到寶蓮寺行個圈,食左個午餐齋菜, 食飽後爬上大佛, 超多級樓梯, 上到去腳仔都軟晒! 之後再到"心經簡林" 及行左一陣昂坪市集, 再撘巴士去另一個景點...
去左大澳, 周圍行下周圍影下相... 不經不覺已經日落黃昏了, 因為Cut少一早book定枱, 所以要趕撘巴士回東涌. 去另一地方食dinner......
原來今晚要去愉景灣, 一間叫zaks的餐廳. 環境唔錯, 氣氛良好, Cut少book左outdoor 原因係可以遠觀迪士尼的煙花..!~ 做晒功課的佢已經諗定今晚吃甚麼了, 不過都係太多吃唔晒又打包. 但最後, 估唔到佢為我叫了個生日甜品給我. 好好味 .
好開心, 大家好特別的為我慶祝生日...
有你地在我身邊, 感到好滿足, 好幸福, 多謝...
9月6 (日)
因為昨晚好夜瞓的關係, 今朝搞到十點幾才肯起身,
cut 少又神神秘秘話帶我去一個地方,
原本一早plan定今日去澳門2 日一夜的, 但因為唔想獨留家中2位小朋友, 所以取消左, 點知, 竟然.. 突然間變左一日遊囉..
去到趕唔到12點班船, 唯有坐1點鐘囉, 去到都 2:00pm..
3年前去過澳門, 好多地方都去過晒, 今次原來cut少一早諗定, 要去之前未去過的地方...由碼頭坐no.10巴士到總站~~> 媽閣廟...
~好曬呀!
熱到成身出晒汗, 於是走去格隔間海事博物館參觀參觀, 涼下冷氣... 行完博物館出黎, 見到出面有檔賣雪榚的小販車仔, 寫住"澳門土產. 美的雪榚" 仲貼上與蔡生的合照.. cut少用$7 買左支甜筒給我, 雪榚叔叔好好人, 見我影相, 仲叫我行埋去同架車仔影tim... (資料中, 全澳門只剩下5部流動雪榚車, 好榮幸今日給我遇見你 )
離開媽閣廟, 坐巴士去氹仔~~>去吃好名的豬扒飽.... 大利來記咖啡室
WHY。。。。。????
3年前的今日食不到, 3年後的今日又係食唔到..!!!! 好灰.. 超失望... 2次過黎都係專程來吃馳名豬扒飽的.. 但2次都冇得吃 !! 終於明白 ! 老闆同我與Cut少一樣, 9月頭係要休息的 !
吃不到豬扒飽, 唯有到另一著名地道小食~~> 大菜榚.. 莫義記大菜榚,
嘩~ 遠處已經望見好多人排隊買, 廚窗內林林總總, 各式各樣的大菜榚, 睇見都流口水, 我地叫左個椰汁大菜(我) 及芒果大菜(Cut少), 好好味呀, 好想叫多個燕窩雪榚吃..吃完大菜榚, 繼續向前行, 就會見到晃記餅家, 必定要入內買手信.. 排晒隊兜晒圈, 我都買左包牛耳及杏仁餅, 都幾好吃呀, 想買雞仔餅, 但未出爐呀!!! ( 上次亞so個節目都有介紹過呢間, 不停吃人地d雞仔餅, 搞到我都睇唔過眼呀 )
買完手信, 行前一二步就見到間昌誠飯店, Cut少話要入內品嚐水蟹粥及酥炸墨魚丸.Cut少話個粥好一般, 但碟炸墨魚丸就好好味喎....
食包包後, 周圍行周圍影.. 呢處的建築物好靚, 好適合影相.. 我地行去住宅式博物館,介紹葡萄牙之家..
晚上去埋威尼斯, 新馬路.. 鉅記買手信...
乘9:00pm班船 回港.