一星期的渡假生活~７

10月14（三）

今日第 7日喇..... 小羊要返屋企喇.........

我哋自己駕車去 nuts媽 屋企, 去到已經見到小羊主人豬爸及豬媽了,

我哋順便參觀埋 nuts媽 屋企呢....

逗留咗一陣, 要離開了...  小羊及小豬都可以返家了~

BOOK 日子睇產科.

10月14  ( 五 )

今日老公到威院覆診, 順便幫我排期睇產科,

佢話幫我到婦產科部排隊時, 都係清一式女人....

終於排,到期, 係2/12 及 28/12  二日 到威院.

一星期的渡假生活~6

10月13（一）

今日第 6日, 冇咗第5日.. 係因為我開始唔多舒服..

所以冇寫到...

今日都係唔舒服呀, 但又要扮冇事... 暫時仲唔可以同人分享呢..

晚上. 小羊好鍾意企晌我個肚腩仔... 哈哈~ 小心DD 呀..唔好咁大力跳上黎呀

用iphone 4 就可以玩自拍~~~~~

 

一星期的渡假生活~４

10月11（一）

今日第 5日,

我好唔舒服... 下午回家陪佢哋..

 

哈哈..... 今日發生咗D事... 令我好開心, 真的, 真的好開心呀 )))))))

晚上.... CUTTER 帶咗支玩具返來.

小羊又要八掛一番

 

 

我有咗BB ~

今日唔多舒服, 於是下午請?半day 假, 早走回家睇醫生,

回家途中仲下大雨tim......

book ?4:30睇醫生, 我覺得呢排有d唔舒服, 而且, periods 又過咗 1 ~ 2 weeks, 於是問埋可唔可以驗孕, 醫生話我有d 感冒外, 仲講咗個消息我知~

我真係懷孕呀 ))))))))))))))))))))

預產期為出年 6月13日. 好開心囉, 但暫時未有心理準備囉....

醫生話剛剛 5 weeks, ( 姐係??有咗1個月多d 啦 )

醫生開咗d 一個月的葉酸 給我吃,  話給BB 好的.

一星期的渡假生活~ ３

10月10（日）

今日第4日,

早上, 放晒佢哋二個出籠玩, 玩咗一陣後, 帶 GREG 仔入睡房玩. 隻臭GREG 開心度晌張床上跳晒舞( 我估..... 佢一定係跳俾小羊睇的.. ) 可能, 小羊都想入黎玩.. 於是佢飛去GREG仔個籠頂上. 望住我哋... 又望吓GREG 仔籠內的食物兜..  GREG仔見到好唔開心呀.. 仲想咬我呀.. 唔想佢哋發脾四唔開心, 唯有出番廳, 各自玩... 

 

下午, 同CUTTER 出咗旺角行, 去咗鸚鵡店買咗包生果糧, 跟住又去咗大圍睇吓, 買咗個  woven leaf bird toy  俾佢哋二個咬咬咬...

 

OMG........ 小羊... 佢竟然晌我隻手上磨 pat pat , 我都係第一次給雀雀咁做, 第一次親身體驗到, 佢晌我隻手指尾上磨到出嘢呀... 不過好少好少...

 

一星期的渡假生活~ ２

10月9（六）

今日第三日, 小羊開始曳曳 lu !!

原因佢開始明白到... 每當我俾手佢企時... 就係 = 放佢入籠的意思, 於是乎..

當我隻手放近籠門口時, 小羊就用九秒九的速度立即口咬籠邊爬上籠頂去了.

一次又一次俾佢成功地避過入籠的機會. 真係俾佢激死~

此外, 今次小羊比上次多咗個小行為~~~>

掘。地。洞~!!

每次小羊站在sofa邊, 就會用口掘掘掘, 叫極都唔收手, 好在我哋快要搬屋, sofa唔要,

就由佢放縱一吓啦~

可能臭 greg 開始有少少呷醋啦~~ 今晚, 佢要陪我入廁所一齊沖涼洗白白...

正確黎講.. 係我沖涼, 佢企上馬桶上唱歌仔...  我沖幾耐.. 佢就唱幾耐..

計計吓.... greg 仔都好耐冇入黎陪我沖涼喇.. 傻豬黎ga~~~  

 

 

開始一星期的渡假生活

朋友去一星期台灣旅遊.

於是, 將愛兒交托我哋照顧.

白雪雪的小羊已經唔係第一次黎我家, 所以, 黎到冇耐已經習慣了...

7/10 黎我家...  

 嗰晚, 小羊己經爬上我身上, 咁快就認記得我了...

第二晚~ 8/10

小羊又爬上我個肚腩上... 勁嗲人喇... greg 仔見到... 又要企上Cutter的大脾上.. 總之佢哋一雀霸一個奴隸啦~~  

玩完一輪... 大各自站在籠頂上R毛~~~~

 

 

1 + 1 + 1 + 1

煩 ?

又煩 ?

買 or  租 ?

有 or  冇 ?

呢排.... 公司又發生咗d 嘢, 同一件事 x 2 ! 真係好可笑~~!

我都係過來人, 完全明白既....

回想起自己... 都算幸運的一個了, 受器重, 都當有我呢個人存在呀~ 

看來, 不久將來, 我怕又會打回原狀....

灰暗的日子又再來臨....

期望.. 有改變,

期望進入另一個階段...

住新屋.... 1 + 1 + 1 + 1  

 

塱原 ．稻米田觀雀

10月3（日）

今日睇完樓後，

秋風起~  Cutter話要去觀雀哦，於是駕車入河上鄉的塱原　

。

第一次親眼見到一塊塊稻米田！

好靚~! 吸一吓新鮮空氣 ! 人都爽d~!!

十 一 國 慶 B B Q

10月1 ( 五)

今日被受邀請, 到八郷花鳥園, 聚舊BBQ .

嘩~ ~~ 都有好一段日子冇見大家了,

一黎到, 先入雀房, 同班好耐冇見既鸚鵡打個招呼~ 玩玩玩乎~

今晚食物非常豐富...

靚靚蒙牛, 正正羊扒, 天婦羅蝦, 新鮮鮑魚, 大扇貝, 游水大墨魚, 花甲...
...... 等等數之不盡的美食．媲之食到大家 lun lun 脷~!!

不過一行十九個人都吃唔晒, 睇黎我哋班蝗蟲兵團要改改策略了~

食完美食，大家坐在花園吹吹水，吸一下田園香氣味（豬屎咪）

直至12時, 大家才肯離開..