LindaChung

祝 福

12月26( 六)

到尖東.. 睇燈飾,

更為朋友們送上祝福~

for 臭greg 仔既~

for 一班爛gag 同事既~

 

 

 

 

聖誕party @ family

12月25( 五)

今年聖誕好特別.... 因為可以一家人聚首一堂, 慶祝聖誕~

4:00pm開始, 大家黎到奶奶家, 各人都帶上自製食物, 2個小朋友仲買下禮物作抽獎, 而我同cut少都為大家帶上難gag gift... 聖誕cake.... 鵝肝法包.... 及火雞~

開餐喇~

隻奧華利煙火雞的確好好吃呀!!

食完, 玩wii... 玩啤.... 及抽獎

 

個雪人cake都好好吃~

 

獎品~

 

睇戲 + 搞Party..

12月25( 五)

今日6點半起身.. 7點2~3個字出門口, 坐馬鐵+港鐵到尖沙咀, 目的係去iSquare 睇早場阿凡達. ( 因為預訂正場飛去到1月中, 我地唔等得的關係, 於是買今日早場8:10am睇囉 )

超好睇囉! 好值得推介給大家睇的！套戲內容好正面, 又緊張又感人, 流淚既係被愛人出賣, 父親離開, 以及一班無辜的族民及動物......... 超正！！間戲院又正！超大銀幕, 音響又勁, 3D效果好真! 但可能副3D眼鏡窄, 睇完夾到我兩邊耳朵頂位置有少少痛啊~! 

睇完戲過九龍灣.. 去sportlight作最後衝刺.. 估唔到未開門已經有人排隊.. 入到去, 成個場又亂又冇晒野買...  我地只買左少量的聖誕飾物及氣球作今日party之用..

2:00pm離出九龍灣, 回家預備party食物及禮物..

我地預備做鵝肝法包多士...

罐鵝肝係豬媽送的... 法包係A-1買..

將法包切成一片,                      

原本想將鵝肝搽上麵包面, 但搽唔到.. 唯有切成一片一片舖上面..

再放焗爐焗一焗或微波爐丁一丁.. 完成~

Party過程.. 下回再談..

平安夜

今日24號，公司難得給我地放早，但做完晒野，都要5點鐘才走人，先回家放底d野，等cut少回來，再駕車出外食飯。

我地冇預先諗過今晚吃咩，所以冇目的地去左西貢食海鮮。食完都係10點鐘，就返屋企喇，今晚要早睡，因為明天6點鐘要起身，而且聽日整日都好忙！！！！！

Merry X'mas~

估唔到收到同事送黎的聖誕禮物！多謝先。

更家估唔到既係，晌facebook度, 收到舊同事整左個video, 送給我地班ST babies，好用心整的，成套video都係我地一班好同事的合照，好回味，好感動。真係好難得一班咁玩得埋的好同事 !!

 

今日聖誕節，祝大家 merry X'mas!!

奧華利煙火雞

12月21(一)

早在11 尾~ 12月頭時, Cut 少同朋友落訂, 訂左隻 10lbs 重的煙火雞,  準備聖誕party 享用的.

今日晚上有得取貨了....

嘩~好重呀 !! 

聽人講, 呢隻「奧利華」煙火雞出晒名好好吃呀 ! 唔同一般的火雞肉咁鞋口...

食之前要慢慢解凍1 day 後可吃用.

 

 

熱烘烘焗火雞吃得多, 凍冰冰煙火雞都係第一次... 好期待 25 號呀 ^^

2010年鸚鵡月曆

12月20(日)

今日同cut 少去左九龍灣.. 因為我想再到MegaBox 間快要結業的sportlight 掃平貨. 入到去.........

SO CRAZY~!!!!!! 貨架上所有貨品都搶購一空, 連俾錢的人龍長到嚇死你! 見到咁既情景, 都唔多想行. 我... 決定放棄! ( 而家大部份美術用具都會$10起 , 但都所餘無幾喇~~~~~ )

呢張相係6/12拍攝的

 < 當時廚窗內仲有擺設, 但今日見到連廚窗內的貨物都搶埋.....

 < 6/12當日選購的貨品, 今日去大部份已經冇得買.. 有得買既比上次更平呀

行完MegaBox, 到Emax 行下.... 入petmax 行,

嘩~~~ 發現佢, 要立即買.. ^^

 

1215~1219

呢個星期... 好忙 ! 超忙! 冇間時打仆...

12月15( 二 )提早一家人同媽咪食生日飯

放工一場大雨, 令到紅隨大塞車, 搞到成家人等我一個, 今晚到紅磡稻番食晚飯, 姐夫一飲酒又勁多野講...  姐夫係西餐大廚, 仲教我地點做鵝肝小食...( 25號聖誕PARTY有用喇 )

12月16( 三 ) 取電話

以後, 每個星期三放工都要開會..... 好灰呀 ! 每日早會要開, 晚上又要開.. 人都癲呀!放工回奶奶家吃完飯後, 到士乜洞取電話, cut少搵人幫我留左部 htc magic, 只有黑色一部... 出面都冇貨喇.. 好左部機冇咩事 ! 以後我可以用手機上網. 在巴士冇咁悶啦 ^^

 

12月17( 四 ) 奶奶一家提早做冬

今晚放工, 回馬鞍山海港食晚飯做冬, 整整一家人, 連4家姐個男友都黎埋.. 原來佢地又係6:30坐到8點.... 先齊人.. 要等齊人都等到傻.., 好在今次唔係我最遲一個啫, 又討論25號的聖誕party.... 想交換禮物... 有人提出抽現金... 因為4家姐當晚要睇sammi, 佢可能黎唔到lu~~~~

12月18( 五 ) 吹左佢.........

放工, 亞gill 一早走左, 我地成班同事作反了... 早前花王收到新x基送黎的聖誕禮物籃, 交左俾我叫我同同事分享... 今晚, 我地開左呢支野, 同事們話好好飲又好貴..

 

青森縣的蘋果...蘋果汁, 的確幾好飲呢....http://www.town.itayanagi.aomori.jp/furusato/ringowork.html

12月19( 六 ) 媽媽生日 ~ 羊腩煲.........

今放工到佐敦, 原本約左個專科醫生5:00pm覆診,  因為早左於是提早左3:45pm 睇, 睇完, cutter又搵到車位, 食個下午茶後, 到九龍公園打雀.... 影完雀, 再步行到i-square間UA預訂25號早場imax 版的"亞凡達".. ( 好期待呢 ). 6:30pm到媽咪屋企, 媽咪整左煲羊腩煲, ( 其實我唔吃羊.. ) 貓貓好似唔舒服呢... 希望貓貓冇咩事啦.. !

 

聖誕樹~

12月13(日)

鄰近聖誕, 係時候要為屋企布置一番~ 增添聖誕氣氛~~

今天晚上, 我同Cut少摷番前年棵光纖聖誕樹出來 !

  (

8掛 greg仔望到頭都則埋..... )

 

今年樹上增加左新飾物~~~ 鸚鵡一隻.

仲埋前年, 投番黎既 由ee 親手造的鸚鵡圖案掛飾..波波

  

  greg 仔怕怕聖誕樹~~

  好容易.. 完成了~

 

 

 

 

未到聖誕, 已興奮起來..... 仲就地取材.... 變身成為聖誕女郎!!

是唯呀???