今日除夕～
大家今晚去邊度慶祝呢？
先祝大家
玩得開心ｄ呀！盡情ｄ呀！
１２月３０（二）
除夕前夕，昨晚天氣氣溫開始下跌，
凍凍地，最好打邊爐，拾拾下＾＾
二個人，份量唔可以太多，所以食物款式都係一般咋～
吃完好暖烘烘！
０８年尚有幾個鐘就完結，有咩要回顧一下呢？
今年，好開心識一班好玩得的好同事，
年頭去到日本山形県蔵王，見到我好想見的雪境，砌雪人，
年中４月，終於考到車牌！做到有車人仕！
８月，無意中搵番失蹤半年的鑽石介子，失而復得，好開心！
９月戰戰兢兢去到泰國華欣玩，安安全全返到香港！
今年搵唔到啱心水的村屋，搬唔到屋，有少許失望！
老公身體終於冇事，我倆都安落晒！
新的一年，新的開始，
祝大家開心愉快！身體健康！
１２月２６（五）
今日係Ｂｏｘｉｎｇ Ｄａｙ，
晨早去了ＭｅｇａＢｏｘ睇戲：荒失失奇兵２
好好笑，好好睇，格離的小朋友緊張到企起身睇～超投入呀！
下午，回家，才收到通知你地去尖咀既亞貓地攤食Ｔ，
不過，我黎唔到呀，因為我整緊禮物給你地呀＾＾
晚上７：００，
同ＣＵＴ少去海防道ＪＯＩＮ埋大家一起吃私房菜．
＜家宴＞
睇下今晚的吃咩先～
冷盤：龍蝦柚子沙律（好味！）
主菜：１）松子海鮮船
２）鍋巴肉鬆伴鮮玉米（炸粟米好味呀！）
呢個鴨仔盛滿麵包做咩呢？
３）毛茄伴酒糟南瓜蝦（ｄ麵包係點南瓜汁）
４）雪梨蘋果豬腱螺頭湯
５）浙醋芥蘭心
６）新鮮沙薑羊（羊肉好林，冇ｓｏ味）
７）荷葉油鴨糯米雞
８）年糕豆腐伴酸辣蟹（ｄ酸辣汁好好味呀！）
９）生菓
１０）甜品 - 南瓜糖水
親手做了４隻鸚鵡頭，送給席上的一班好雀友！希望妳地喜歡
１２月２５（四）
今日，ＣＵＴ少要上廣州做野，見假期，我又跟佢上去玩下囉。
下午二點到廣州，估唔到，廣州朋友見到我地會向我地說出聖誕快樂！
係呀！佢地沒有聖誕節，沒有假期的，所以街上不太多人。
ＣＵＴ少做完工事後，我倆出發去今日的境點：廣州動物園。
因為今日不是中國假期，所以園內不太多人，
園內地方好大，都乾淨清潔，冇垃圾！
不過建設都好舊，而且Ｄ動物都好悶下，某Ｄ地區有一陣陣臭味飄過黎呀！
仲有勁多～～～～～～～～＞
簡直係老鼠樂園！！嚇史人～！
隻熊貓唔出黎見人，我唯有同隻公仔影相啦，隻大腥腥好悶玩面壁！
二隻大黑熊又悶到問人取食物，ＢＢ豬好可愛，又為食！但係好臭！
第一次見大柴狼！好大隻有成個人咁高！不過佢真係好凶惡！
園內有鸚鵡，你數得出的鸚鵡都有！！！！！
ＣＵＴ少仲同隻灰鸚鵡鬥吹口哨，
心諗廣州冬天有時會好凍下，唔知園內有冇保溫設備給鸚鵡們呢？
臨走時，
竟然見到一班～荒失失奇兵班騎野鬼！
河馬，長頸鹿及班馬，當然要捉住佢地影合照啦～
咦～！主角獅子呢？
離開動物園，ＣＵＴ少話要帶我去一間好野，隠世名廚，食晚飯。
＂合得人雄記酒家＂
位於身居陋巷，入到去見到牆上掛滿獎狀，穫獎無數。
我地點了。。
１）酒家出名的靚湯，一人一碗，
２）鹽燒蝦，
３）肉丸浸西洋菜湯，
４）炸花面，
５）蜜椒骨（穫獎菜式）
二個人吃４餸一湯！食得好飽呀！好滿足呢。
食物都算ＯＫ，好吃呀！
作曲：Sacha Baron Choen
填詞：歐陽靖
編曲：Dylan Dresdow
監製：
歌詞
周身郁扭左扭右 周身郁扭左扭右
周身郁扭左扭右 一齊郁下
周身郁扭左扭右 周身郁扭左扭右
周身郁扭左扭右 一齊郁下
繼續跳到無晒氣 然後跳到腳都痺
最緊要好玩所以我要大家一齊
我唔係間中玩 我成日玩
唔係因為無做 係因為我鍾意玩
呢度跳度跳舉高手
度跳呢度跳不想走
Yeah Moto Moto喇
Yeah 準備好未呀
Yeah 準備好未呀
準備好 準備好 準備好未
周身郁扭左扭右 周身郁扭左扭右
周身郁扭左扭右 一齊郁下
周身郁扭左扭右 周身郁扭左扭右
周身郁扭左扭右 一齊郁下
我仲想玩 仲想玩 未玩夠想玩成晚
無問題 而家開始 要佢音樂大聲
係咪地震 係咪地震 個個跳到好似地震
聽唔聽到 聽唔聽到 聽唔聽聽唔聽聽唔聽到
跳下隻舞 跳下隻舞 跳下隻跳下隻跳下隻舞
唔怕老土 唔怕老土 唔怕老唔怕老唔怕老土
That’s what扭左扭右 That’s what扭左扭右
That’s what扭左扭右 扭左扭右 扭兩扭
我個名係Moto 叫我Moto
想知點串Moto Moto
靚女一齊影幅相 You know
Yo Moto Moto 喇 準備好未呀
準備好未呀 準備好準備好準備好未
周身郁扭左扭右 周身郁扭左扭右
周身郁扭左扭右 一齊郁下
周身郁扭左扭右 周身郁扭左扭右
周身郁扭左扭右 一齊郁下
周身郁Party Party 周身郁Party Party
周身郁Party Party 周身郁Party
周身郁move it move it 周身郁move it move it
周身郁move it move it move it move it
move it move it
祝大家
同場加映: 黑超派對 ( 由我同班同事同埋個客,聯手合作 )
http://elfyourself.jibjab.com/view/6VmMcS2GiUw9rOph9KCs
聖誕節,大家笑下啦!
１２２４（三）
今日晚上，冇吃聖誕大餐，
原本到紅磡某舊式餐廳吃的，點知勁多人排隊，
所以立即更改地點，改左去吃～～
＂大排擋＂
吃了４碟餸，二支汽水
不過我唔小心給瀨尿蝦拮損了手指＞＞流血！
吃飽了，
駕車去西貢，諗住到滿記吃糖水的，點知又係勁多人，
於是又求期是但到麥記食新地算了。
～～聖誕老人電話繩！啱晒呢段時期用呀～～
明天一早，要陪ＣＵＴ少上廣州一轉呢。
咁又過左一個好普通的平安夜
