家居安全好緊要!
話說:
星期日晚上我同朗仔沖涼洗頭
跟住入房拎毛巾 諗住幫朗仔吹乾頭睡覺
點知 出黎見到朗仔大力fing 緊獅子掛飾
因為大力得制 掛飾跌咗落地
朗仔行前一步想拾起, 就踎底
從腳板底抆起粒釘 跟手坐晌地上大喊
嚇鬼我囉
朗仔踩中釘呀
我立即抱起朗仔落梳化 檢查下個傷口
好在傷口唔算大 又冇標血
再望下粒釘好在冇生銹
但朗仔喊到拆天咁
搞到我心都亂晒
呢個時候爸爸返黎 爸爸立即打電話問做姑娘的3姑應該點處理。
用消毒約水紙巾抺過傷口,貼上膠布
氹下朗仔 請佢食糖 過一陣
朗仔話有少少痛
跟住企咗晌度 跳咗一下
真百厭仔
就係呢粒圓圖釘 從獅子仔身上跌落地 比朗仔踩中
以後所有玩具家品都要檢查一番