...
近日，身體差左好多，心情都不好，諗野多左．．．．．．．．
星期四晚失眠，我好耐未試過了，玩ｎｄｓ玩到冇晒電，我都唔想瞓，望望鐘，原來已經零晨３時．唔想嘈醒隔離隻豬，唯有迫自己瞓．
星期日早上，札醒起身去廁所，點知一起身頭暈眼花，天旋地轉，要定一定先可以落床，點知去完廁所一起身，又暈過．
近日，身體唔知咩事，佢好似告訴我知起了變化，
而且呢排全冇胃口食野，個心一直都諗．．．．．．．
人大左，想法都不同了，以前唔會想的問題，呢半年開始諗，
唔知點解，好有憧憬，會想好多野．
不過，突然間．．．．．．
憧憬破滅左．．也消失了．．．
被點名的blog友要把所有問題像我一樣回答出來發一篇日誌在自己的頁面上。
所有問題都要答喔。寫一篇我這樣的日誌，
最後刪除一絛你不喜歡的問題。再提一個自已問的問題。
再點出另外10個人繼續回答，到這10個人的blog留言通佑對方：你被點
名，被點名者不得拒絕回答問題，然後再點大約10人繼續遊戲...
被Tamama 點中左玩這個遊戲，好! 就幫幫你~
1) 有冇做過曾經傷害你心愛的人的事?
有，一直都好想同媽媽講，對唔住．
2) 現在有沒有男/女朋友?
有老公！
3) 很久很久以後會遺忘現在的人嗎?
我估不會的~
4) 如果有美好的東西, 你首先想留給誰呢?
家人
5) 到目前為止, 有乜令你最難忘?
入院做手術
6) 如果能回到過去, 你會選擇那個階段? (如有原因)
小學生！開心的．
7) 喜歡一個人你會主動追求嗎?
唔會！
8) 結婚後想生幾多個細路?
1個~
9) 你認為男女朋友分手後還可以真心做朋友嗎?
不可以的．
10) 如果比你中左六合彩頭獎，你會做ｄ乜？
捐其中一部份做善事，給家人，令佢地生活得更好，而我會繼續返工．
我妳地認為玩得的，被點名的ｂｌｏｇ友：ＲＥＮＡ，杳杳，ＭＥＬＯＰＵＩ，ＧＲＡＣＥ，細路，ＨＡＺＥＬ，ＣＲＹ，菲比，ＡＭＵＬＥＴ，撈撈．
請大家得閒幫幫手．．
７月２７（日）
今日十一點出沙田，撘免費巴士到會場，巴士上坐我隔離係隻長毛臘腸狗，佢好得意又８卦，我摸下佢個頭仔，佢想嗅我．．好近距離呀，哈！
大約半個鐘至九個字車程到達會場：
狗仔跑路機
狗仔美容
輪到雪犬參展
會場內有攤位遊戲玩
又有給狗仔玩遊樂場
除左狗仔，仲有其他爬蟲類寵物，條蛇我摸左一下．
狗仔喜愛咬的玩具
今年我第二次去，今屆少左好多關於貓的攤位，冇左喵喵食開的牌子，所以買唔到平野，我靜係買左個貓貓磨爪板，一樣野咁多咋，狗仔用品大把！ 今年我同ｃｕｔ少都被狗仔踩腳．
今屆好似少左攤位，又冇野買，所以好快離開會場，
轉巴士入東涌行outlet，食野．
４點幾五點，回會場搭免費巴士返沙田，當時睇住個天變，天黑又大風，等巴士的地方又空曠，我地個個都食晒風沙！不久行雷閃電下大雨．接著，大家齊齊見到遠處一個大狗因為害怕要女主人抱抱，嘩好大隻o架！女主人又抱得起！狗仔成個ＢＢ仔咁，真係好可愛呀！
好多謝ｃｕｔ少陪我去
第三屆香港國際寵物水族用品展, 將會由今日到星期日 （２５／７～２７／７）
一連三日於亞洲國際博覽館（香港機場）舉行展覽．
今日，我返工前去７-１１買左入場劵喇，仲有二本ｃｏｕｐｏｎ附送添～
我會打算ｓｕｎｄａｙ當日，同ｃｕｔ少由沙田坐ｆｒｅｅＢｕｓ過去，唔知大家有冇人會去呢？
第一屆，我同ｃｕｔ少都有去，勁多主人帶狗仔去，場面好熱鬧，ｄ狗仔晌你身邊周圍走，好得意！仲記得，ｃｕｔ少被其中一隻狗仔踩中腳，哈哈，好爆笑．
今年好似冇鸚鵡參展，不過唔緊要，去睇下有冇平貨掃番ｄ俾我亞爸隻喵喵先．
http://www.petexpo.hk/lang-tc/home.html
嘩嘩嘩～ 出全版廣告呀！！！
７月２0（日）
玩即興，晨早由我駕車去黃埔ＵＡ睇＜＜蝙蝠夾＞＞早場。
套戲好正！超好睇！不過戲院唔得，座位窄，我著左短褲仔，坐我隔格的男人又係著短褲，久不久，唔覺意...佢條毛神神的腳撞到我隻腳，好討厭呀！
睇完回家，做我地今日要做既事－－－－－＞ＤＩＹ全屋打蠟
我負責起蠟，成間屋拖左Ｎ咁多次，蒙求起晒Ｄ舊蠟出黎，好辛苦呀，腰骨都灣晒。跟住，由ＣＵＴ少打蠟，之後外出食晚飯，回家見到地皮板 "立立令"，咁辛苦都值得。（其實整靚間屋無非都想早Ｄ賣出）
７月２1（一）
一早起身好唔舒，頂唔順要休息，向公司請假，但諗到頭都爆都想不起老細個手提，唯有問Ｃｒｙ＆Ｒｉｃｏｈ，好老土！
上一排成日見頭暈，今次醫生替我量血壓，正常人呀，不過佢建議我做全身檢查，我都差不多要ｃｈｅｃｋ一ｃｈｅｃｋ啦。
睇完醫生回家休息，下午睇番星期六及日，錄底左的電視＜他來自哪顆星＞。
７月２2（二）
唉～一返工就收到壞消息，中ｘ地產打黎話今日漏左隻 1/4 版稿，上星期唔小心出多一隻都未解決，今次又話漏稿，點搞呀？？？？煩煩煩～
７月２3（三）
今日下午食完飯，同３個女同事出去，其中二個要買ｃｏｎ，所以去左間好普通的眼鏡舖買．嘩～２WｅｅK咁平既？比出面的連鎖店平好多呀，我真係好死蠢囉，之前買貴左，下次都係幫襯呢ｄ好～
嘩～嘩～嘩！途中發現有ｐｉｎｇｕ既蹤影呀！晌萬ＬＩＮＧ，見到２支裝高x潔牙膏送ｐｉｎｇｕ杯杯呀！！！！！有３款唔同既ＰＩＮＧＵ杯．
但係，我屋企唔用高Ｘ潔牙膏呀！放工經過屈人寺捉ＣＵＴ少睇，佢竟然咋唔知！激氣！
咦～屋企樓下個商場又搞玩具ＳＨＯＷ，今次主角係龍珠，其實，我冇乜睇過呢套卡通，都唔知邊個打邊個，連邊個係悟空我都唔識，問ＣＵＴ少，佢好熟悉呢，介紹晒入面Ｄ角色給我認識．
等個場整好晒後，再影番輯相先
大家有冇聽過「與鳥共舞」的活動？？
係一項大型的校際比賽，比賽內容包括：雀鳥帽子設計比賽，鳥類生活繪畫比賽及鳥類舞蹈創作大賽，值此活動希望學生們透過認識雀鳥及其生態環境，增加對大自然了解，從而學會珍惜及愛護大自然．
每年主辦機構長春社都會舉行此活動，今年活動都完滿結束，
近日，我屋企商場擺放了部份同學的得奬作品．
發現當中部份的得奬作品係鸚鵡呀～
影了數張相片給大家分享：
用鸚鵡做型，其中一部份的雀鳥帽子設計比賽的得奬作品：
其他鳥類的雀鳥帽子設計比賽得奬作品：
這個好吸引我，全粉紅色的，（遠睇，我還以為係傻豹）
除了雀鳥帽子，仲有繪畫作品，當中有２～３張都畫了葵花鸚鵡
得奬名單，及詳情可按下入去觀看～
