7月20(日)
玩即興,晨早由我駕車去黃埔UA睇<<蝙蝠夾>>早場。
套戲好正!超好睇!不過戲院唔得,座位窄,我著左短褲仔,坐我隔格的男人又係著短褲,久不久,唔覺意...佢條毛神神的腳撞到我隻腳,好討厭呀!
睇完回家,做我地今日要做既事----->DIY全屋打蠟
我負責起蠟,成間屋拖左N咁多次,蒙求起晒D舊蠟出黎,好辛苦呀,腰骨都灣晒。跟住,由CUT少打蠟,之後外出食晚飯,回家見到地皮板 "立立令",咁辛苦都值得。(其實整靚間屋無非都想早D賣出)
7月21(一)
一早起身好唔舒,頂唔順要休息,向公司請假,但諗到頭都爆都想不起老細個手提,唯有問Cry&Ricoh,好老土!
上一排成日見頭暈,今次醫生替我量血壓,正常人呀,不過佢建議我做全身檢查,我都差不多要check一check啦。
睇完醫生回家休息,下午睇番星期六及日,錄底左的電視<他來自哪顆星>。
7月22(二)
唉~一返工就收到壞消息,中x地產打黎話今日漏左隻 1/4 版稿,上星期唔小心出多一隻都未解決,今次又話漏稿,點搞呀????煩煩煩~
同事由台灣返黎,送左隻好可愛的貝殼做的龜仔。近排咁多人都去外地旅行,搞到我都好想出外玩下,短線行都好~
7月23(三)
今日下午食完飯,同3個女同事出去,其中二個要買con,所以去左間好普通的眼鏡舖買.嘩~2WeeK咁平既?比出面的連鎖店平好多呀,我真係好死蠢囉,之前買貴左,下次都係幫襯呢d好~
嘩~嘩~嘩!途中發現有pingu既蹤影呀!晌萬LING,見到2支裝高x潔牙膏送pingu杯杯呀!!!!!有3款唔同既PINGU杯.
但係,我屋企唔用高X潔牙膏呀!放工經過屈人寺捉CUT少睇,佢竟然咋唔知!激氣!
咦~屋企樓下個商場又搞玩具SHOW,今次主角係龍珠,其實,我冇乜睇過呢套卡通,都唔知邊個打邊個,連邊個係悟空我都唔識,問CUT少,佢好熟悉呢,介紹晒入面D角色給我認識.
等個場整好晒後,再影番輯相先