返公司派薑醋

6月29( 日 )

 

今朝10:00,  Cutter 到荃灣見工 ( 中國移動 ) 1:00 pm 才返到

 

下午2:30, Cutter 買Tea 給我吃,

 

4:30 pm出發拎一樽薑醋, 一打半西餅, 去我公司派食, 大家見到我都好開心. Mei 姐, 冰姐, Nelson都有派利是俾BB ,

黃生仲係第一個開樽食薑醋 , fax 房, suesue , peal 唔食薑醋 食西餅, 搞下傾下 6:35pm 才離開

 

 

04:00 ~> 4 oz

08:00 ~> 2.5 oz

10:45 ~> 3 oz

12:45 ~> 3 oz

健康院檢查

6月27( 六 )

 

今日 Book 咗 9:00 到健康院檢查

今日奶奶陪去, 先除晒衫褲磅重有 3.6磅 ( 重咗 ! ) 之後見醫生, 話黃胆已經冇了, 下次唔洗Check  ,

不過仍然聽到有雜聲, 叫我哋留意下, 同等7月到威院詳細檢查

超快 ! 9:45 可以回家

 

 

 

01:15 ~> 3 oz

05:00 ~> 3 oz

07:00 ~> 2 oz

09:45 ~> 3 oz

12:00 ~> 3 oz

13:00 ~> 3 oz

15:00 ~> 2.5 oz

18:00 ~> 3 oz

22:00 ~> 3 oz

greg 仔玩具到

6月25( 六 )

 

今日 Cutter 放假,

 

買早餐 及到 郵局拎玩具

 

 

下午, 有奶奶親戚上黎探BB.

 

04:00 ~> 3 oz

08:00 ~> 3 oz

11:00 ~> 3 oz

13:00 ~> 1 oz

16:45 ~> 3 oz

20:00 ~> 3 oz

22:00 ~> 2 oz

到仁安覆診

6月24( 五 )

 

今日,  2 姐同4 姐 去韓國玩 5天,  所以由奶奶及 3 姐陪我, 3 姐拎 lunch 上黎,

 

今日, 我要去仁安覆診,  3時, 我要出門到仁安診所登記 乘坐仁安接駁小巴 ( 點知只得我一個搭 )

 

book 咗 4:00 pm 見醫生, 但今次等咗好耐, Fok 醫生叫我多d 休息, 再 book 22/7 見佢

 

 

03:00 ~> 3 oz

07:00 ~> 3 oz

09:00 ~> 2 oz

10:30 ~> 2 oz

12:00 ~> 1.5 oz

 

20:15 ~> 3 oz

12:30 ~> 3 oz

BB 識轉身

6月23( 四 )

 

~ > BB 識得自己轉少少身瞓

 

~ > BB 識自己痾屎

 

 

今日奶奶要到健康院檢查, 所以 lunch 由 3姐道飯來. 之後5時, 2姐 同3姐又上黎, 今次我幫BB沖涼洗頭.

 

晚上奶奶老爺上黎探BB

 

今晚,  2姐同4姐 去韓國玩 5日 呀 !!!!

 

 

 

 

02:30 ~> 3 oz

04:30 ~> 1 oz

08:00 ~> 1 oz

09:30 ~> 1 oz

11:30 ~> 1 oz

13:00 ~> 2 oz

14:30 ~> 1 oz

15:30 ~> 1.5 oz

16:30 ~> 1 oz

今日 3號風,

6月22( 三 )

 

昨晚又搞到2:00 am 才安睡.....

 

今朝奶奶上黎, 我太攰瞓著了, 2姐 同4姐上咗黎都唔知,

今日 3號風, 出面橫風橫雨, 下午 2 姐 出大圍買豬腳, 奶奶上黎再煮薑醋, 搞到間屋好熱騰騰~!
原本好想瞓. 點知3姐, 3姐, 4姐 + 肥仔都上晒黎探BB,

跟住 2姐幫BB

 

( 下午同Winnie 傾電話, 知道公司發生好多事 )

 

 

 

 

 

04:30 ~> 3 oz

09:30 ~> 3 oz

11:30 ~> 1.5 oz

12:00 ~> 3 oz

14:30 ~> 2 oz

16:00 ~> 1 oz

17:30 ~> 1 oz

18:30 ~>  oz

21:00 ~> 2 oz

22:30 ~> 1 oz

01:30 ~> 3 oz

 

到仁安見醫生, 照心電圖

6月21( 二 )

 

今日下午 1:15pm , Cutter 返黎,  我同朗朗B再 join 埋 2 姐 到仁安醫院, 見兒科醫生. 都話聽到有雜聲, 再去醫院另一邊,

照照心電圖, 發現有0.4cm 大的洞仔, 聽醫院講解時,  我下又忍唔住眼淚直留. 

 

兒科醫生話, 要我哋 在滿月後( 大約 4 weeks ~ 6 weeks ) 內, 多加留意BB 有冇體重下降, 呼吸急速, 等等

 

但醫生安慰我們, 大部份都會自己痊癒的, 叫我們不用太太太膽心

 

 

 

 

 

 

01:30 ~> 1 oz

04:30 ~> 1 oz

07:00 ~> 1.5 oz

10:00 ~> 1 oz

12:00 ~> 2 oz

13:00 ~> 1 oz

15:30 ~> 1 oz

16:30 ~> 2 oz

19:30 ~> 1.5 oz

20:45 ~> 1.5 oz

21:45 ~> 1 oz
00:00 ~> 3 oz

 

買咗架 BB 車

 

6月19( 日 )

 

BB 呢一二日 好醒瞓, 瞓下瞓下又喊醒... 怕咗佢

 

威院封信收到了 [ Book 了  18/7 下午見醫生 ]

 

下午5:00 , 我同 Cutter  去九龍灣 , 買咗架 BB 車.

       

好熱鬧的一天.... ( 好朋友. 公公婆婆, 提早慶祝父親節 )

6月18( 六 )

 

今朝約了10:00 到將軍澳睇兒科( 經三姐朋友介紹, 一名好好的兒科醫生 )

 先到鑽石山接三姐一齊去, 今日BB 磅重有 3.5, 起初BB好靜, 點知當醫生用聽桐聽下小B的心臟時, 朗朗大喊,

可能肚餓, 於是立即沖奶, 一面喂奶一面聽診, 醫生都聽到有雜聲, 要我們應該去醫院作一次詳細檢查, 老公Cutter 立即book 仁安 下星期三( 21/6 ) 下午2:00照心臟.

 

 

下午2:00 , 好朋友 敏瑩買定mini 上黎 ,點知 奶奶同班親戚上咗黎探朗朗, 不久 高佩都上咗黎, 過咗一陣, 佢哋同奶奶一齊離開. 

得番我地4個大人及BB , 佢哋狂同小B影合照, 傾計, 食豬腳薑...再食埋為高佩慶祝生日的生日 cake. 開開心心 4:00 離開.

 

4:30pm , 4個大姑又上黎, 幫BB  ,



而老公Cutter  出車 去紅磡接我父母細佬過黎,  6:00pm 到達, 同BB玩下影相, 大約7:30pm 離開...

 

facebook  相簿










8:00pm奶奶一家人又上晒黎, 提早慶祝父親節, 嘻嘻哈哈過咗一晚

    facebook 相簿

朗朗今晚可能玩得太高興, 唔肯瞓........... 直到0100才 zzzz

BB 嘔奶

6月16( 四 )

 

清晨6:00, 發現BB 嘔奶, 頭仔位置濕晒. 我見係黃色物體，吐死我，好在BB側身睡。

今朝2姐送M記早餐，4姐都上埋黎陪我， 下午佢哋買外賣上黎，下午4：00，2姐幫BB沖涼，沖完涼後，BB 也睡覺，佢哋離開，我就沖涼洗頭（當然用煲熱的土薑水啦）

晚上6時，BB醒了，爪損了面珠，流咗少少血……

 

 

 

 

 

01:00 ~> 1.5 oz

04:30 ~> 2 oz

06:30 ~> 

10:00 ~> 2 oz

13:00 ~> 2 oz

15:30 ~> 2 oz

18:30 ~> 2 oz

20:30 ~> 2 oz

BB 甩臍帶

 

6月14( 二)

 

~ > BB 甩臍帶

~ > 我對腳腫得很

今日一早, BB 甩臍帶, 我要好好保存它.

 

Book 咗9:30 pm 到母嬰健康院做檢查, 首先要除晒d 衫仔 ( 連尿片都要除埋 ) 去磅重, 跟住見護士長, 講番 BB 心臟有雜聲, 再見醫生, 醫生都話聽到有少少, 二姐同我都要求寫轉介信到威院排期.

可能昨晚我嚇親大家.... 今日佢哋輪住黎探BB, 輪住黎陪我.......

 

13:00 ~> 2 oz

14:30 ~>1 oz

16:30 ~> 1 oz 
18:00 ~> 2 oz

情緒失控

6月13 ( 一 )

 

今日 BOOK 咗3:00pm 見兒科醫生, Cutter 駕車車我同 奶奶, BB 到沙田芋兒科診所, 醫生話BB 黃胆正常, 但就聽到心臟有雜聲, 
我一面聽醫生講解, 一面好膽心, 情緒突然失控... 下喊到收唔到聲,

返到屋企. 佢哋要我睡一覺好好休息下.

6:00pm ~ 起身喂BB , 好辛苦, 老公問我咩事, 我又情緒失控喊到收唔聲. 正啱2姐2姐夫上黎見到, 老爺奶奶同4姐都上晒黎.......安慰我... >__<

 

Cutter 話等明天到健康院再睇情況, 我喊住要求cutter 明天陪我, 但佢一定要返工, 唯有叫 2姐陪我去....


喊到眼都腫晒了........

搏鬥 7粒鐘．BB出世了

回顧返................

2011年 6月6日 晚上....

 

食完晚飯回家. 覺得肚子唔舒服,

10:00pm 後肚子開始痛, 久不久痛一陣, 之後又冇事. 起初我真係以為自己食錯野肚仔痛咋.

 

去到12:00am , 肚痛的感覺密咗, 而且痛起上黎係好痛嗰隻.  於是叫老公幫我 mark 時間, 的而且確每5 ~ 10分鐘痛一次.每次大約40幾秒. 呢種痛就係叫 " 陣痛" 喇.  

於是老公立即至電去醫院查詢, 噢~! 要準備入院了.

 

 

入到醫院, 姑娘叫我坐輪椅, 被推上3樓, 在姑娘的協助下換上手術袍, 自己上床, 再推入待產室. 當時只有我一個大肚婆咋 ! 姑娘在我肚皮上扣上2個儀器, 我只記得其中一個係Check 住BB 的心跳. 我開始感到好痛, 姑娘替我腰間打上一支釘, 又給我嗅 " 笑氣" , 話每當我痛得緊要就拎黎嗅幾啖, 可以減低痛楚, 之後陣痛得好密, 我想去厠所, 但姑娘已經唔準我落床, 於是俾咗個兜兜我"朗"住個PAT PAT 要自己 DIY.......

 

我開始好辛苦, 但姑娘話我只開咗一度 ! 跟住姑娘見我咁辛苦, 俾埋氧氣我吸, 老公一直陪住我, 我又不段嗅笑氣, 搞到自己神智不清, 開始呆呆地, 唔知等到幾點, 老公同我講, 佢駕車回一回家, 沖一沖涼, 望望臭GREG , 我迷迷糊糊答應佢, 叫佢快d返, 都唔知幾時待產房另一邊黎咗對夫婦, 我聽到佢地講國語的, 兩公婆有講有笑, 而我就痛到依依哦哦, 我估佢地係開刀等生仔.  突破間, 我 feel 到我自己穿咗羊水, 於是按制call 姑娘入黎, 姑娘話我係穿咗羊水但開咗 3度, 要我再等. 姑娘仲問我先生係咪回咗家, 我仲識答佢係. 一陣再返黎. 老公唔在我身邊, 我不斷嗅笑氣, 嗅到瞓著了......

 

迷迷湖湖下, 老公又出現我眼前, 我開始連嗅笑氣的氣力都冇了, 老公又call 姑娘黎睇下, 發現我已經開到5 ~ 6度, 但都要繼續等, 我突然間捉住姑娘隻手唔放, 因為我實在太辛苦, 可惜姑娘都係叫我繼續嗅住笑氣等啦......... 嗅得多又瞓著了.. 等等等等.... 突然 ! 我俾連人戴床推離咗待產房, 直推入手術室, 呢一刻, 我知道我終於生得喇 ))))))

 

唔知點解, 姑娘要我自己一個爬過隔離手術床, 又唔知點解, 老公又會企咗我身邊, 呢個時候,  我聽到班姑娘問

" 通知咗霍醫生未呀 ? "  

" 未 ! " 

 

心想唔係麻, 我生得喎, 仲未通知 ??!!! 霋時間, 見到霍醫生咩住個手袋衝入黎, 用 9秒9的速度穿起醫生袍幫我接生.  可能我冇乜力, 醫生要用"吸盆"幫手, 大力push 一下, 頭仔出咗, 再用力push 多幾下, BB 終於出世喇.  姑娘替我二邊大腿各打一支止痛針, 又替BB 清洗, 之後抱過黎給我看. 放在我身邊, 我聽到 BB 依依哦哦, 姑娘又替我們一家三口影相, 影完相後 .便推回房休息


望望個鐘.... 早上7點幾了

榮升媽媽了

好忙好忙.....

6月7日 早上, 囝囝出世了...

有時間再 update

到護協買BB 嘢

6月4 ( 六 )

終於等到今日星期六, 好開心. 因為老公放假, 仲要係一連三日假, 可以陪我ar, 唔洗等我一個人在家悶死了.....~~~

昨晚真係瞓得唔好, 個心好緊張, 個肚一時時痛, 怕作動, 但過一陣又唔痛, 所以好驚, 驚到瞓唔到呢.....

8:30 am 起身, 同老公落樓下食過早餐後, 駕車去佐敦, 今次應該係生B 前最後一次到護協買嘢喇~ 今次買咗:

BB浴盆  $ 95

BB沐浴綱  $ 75

一大包棉花片  $ 69

Johnson 爽身粉  $ 15

粉樸盒  $ 24

Pigeon 通鼻器  $ 22

BB 洗衣液  $ 71

哈哈~ 見到獅子的公仔, 就好想買俾BB ( 所以浴盆公仔的獅子仔, 就立即買  )

今日好開心 ^_^

6月2 ( 四 )

今日, 我家非常熱鬧, 原因有人黎探我~!

==========================================

2:00pm 幾, 媽媽同姐姐過咗黎探我, 姐姐未黎過我新居的, 媽媽黎係睇吓煲薑醋, 同埋拎咗d 豬腳黎, 話要將d豬腳放落薑醋內喎...

搞完一輪, 都3點幾4點, 我其實未食午餐的, 終是媽媽同姐姐就陪我落樓下商場吃下午茶, 仲叫我約埋我奶奶出黎, 到大快活吃, 吃完再去 奶奶家坐吓.... 5點鐘離開. 媽媽同姐姐回家. 而我仲有下場, 因為再有朋友上黎我家探我..

 

約咗我個舊同事 Teresa 上黎我家, 有半年冇見了, 一見到我就話我個肚大咗好多, 嘻嘻嘻....

好好好好開心地, 同佢暢談咗3粒幾鐘, 咩都講一餐~! 尤其我工作上的苦況, 係佢才能明白我的.  下次見面會係我生完BB 後了.

 

自從放產假後, 今日係我講咗最多嘢的一天 ~! 因為平日得我同鸚鵡GREG仔在家, 冇人同我講嘢, 好似自閑宅女一樣, 好悶呀........!!!

 

6。1 國際兒童節

6月1 ( 三 )

原來今日國際兒童節, 於是乎............

新手 DIY 做咗3 件玩具給鸚鵡 greg 仔玩喎~

兒童節快樂　!!