5月31(六)
今日又一早起身,因為要出北角,又係由我駕車出去。。。。。。
今日樓下商場,出現左隻細馬仔~好Q!
好多人圍觀佢呢!
詳情可遊覽 : http://www.hld.com/property/locallease/arcade/nt/sunshineCityArcade/promotion_sun.asp#3
5月31(六)
今日又一早起身,因為要出北角,又係由我駕車出去。。。。。。
今日樓下商場,出現左隻細馬仔~好Q!
好多人圍觀佢呢!
詳情可遊覽 : http://www.hld.com/property/locallease/arcade/nt/sunshineCityArcade/promotion_sun.asp#3
5月30(五)
跟官咁耐唔知官姓乜咩???
其實一早估到個波(村屋王)踢俾我,但估唔到會用D咁既語氣同我講囉~
我真係唔怕你,一句頂番你轉頭!激嬲我,對你冇好處,老細都情講,我D皮四......
死賤佬!嗱嗱林搵電話俾我call客,唉,D電話錯晒呀!
好好彩!十個客,我KO左8個,尚有2個等覆。
Baby,唔好亂諗野呀!我冇事,我仲撐得起!唔好因以為今日的事內疚令我工作量增加,反而係我唔想妳唔開心,但也尊重妳的意思,去定留,由妳自己決定吧。當然,我會唔捨得啦。。。。。。。。
8點9離開公司。同Cut少出九龍灣MEgaBoX既CaLiForNia PIzzA食。
===================================
各位呃食男女既團友,好開心我地倆個能夠加入~
今日抽左少少時間,打電話去BOOK枱,仲傾埋當晚的菜單。
是晚菜單,大致上同我上次食的全包宴冇咩分別,我已FAX左俾Hazel過目,
菜單可加可減,等我遲少少同大家傾下邊d減左去,遲d post上黎給大家睇!
菜單款式可參考-->http://hk.myblog.yahoo.com/micathy1120/article?mid=963
喂喂,有紅酒一支送,我地隊左去,賀我考到車牌呀!哈哈哈~~~
”借雜誌前,請問淮我-亞cat!雜誌借去不還者,會被咀咒!”
其實,我想寫絶d!
雜誌借去不還者,會不得好死!
大家文化界工作,識字嗎?
~明我意思啦~
d雜誌,我見過一眼咋,第二日已經不翼而飛!
尤其是d絶頂封面!老作程度達十級以上既書仔,
一晚時間,就給人撈劫.永遠消失!
呢種情況,我會
作為<書間蒸發>案處理.
一面搜尋,一面大叫著:
xx雜誌在那個同事呀?老細要睇呀!
好可惜,破案機會永遠係零
我知道大家都有求知欲,
我當然唔會阻止大家對閱讀的興趣!
不過,每次睇完唔該放番响度,
又或者交番俾我啦!
做個有負責的好同事吧!
有時
我老細,大老細,大大老細想要閱讀呀!
謝謝
5月28(三)
上一排公司的走人潮,以為已告一段落...點知
呢排又黎過..走完一個又一個.
上幾星期亞Tim離職,本周又輪到亞Dick.
星期二係亞dick的lastday,星期一成大班同事同佢食左餐farewell飯喇,昨日下午亞dick義務地返黎公司搞埋手尾,咁我地捉住佢影左數張相囉.
下午出街食,因為貓骨返埋今日就放婚假喇,所以我地幾個女同事同佢食番餐飯,慶祝告別小姐行列!回程時,妳地掛住講deepV,搞到唔記得出lift,上多一層,勁(火羅)!
下午時段,有同事靜雞雞走過黎同我講,佢六月中會被調去ROP做,吓~~又調?!之前調左熊貓先生,今次又調多個,咁我地條TEAM冇晒人喇~!!佢話好唔舒得我,我都係呀,原來大家合作左差不多5年咁耐喇,每逢新同事黎,妳都好樂意去教佢地,咁妳走左邊做教新同事做野呢?不如果摺左classified啦!
我都做得好辛苦!唔想做!
晚上,等file等到8點3,又係港xJ先生囉,我都唔明d稿要搞咁耐囉,好煩呀!返到屋企9點9喇~!討厭!
唔知點解,呢一半年內,period黎之前肚子已經忍忍作痛,痛左2~3日後,就會黎,又多又痛.試過痛到食2粒葯都頂唔順,又試過,唔係period黎時都會痛(呢一點係我開始驚)睇住個肚腩仔一日一日長大,唔通3cm大的瘤子可能長大左?醫生叫我半年後再check下,但過晒成年lu,我都冇時間,係咪生BB後,就冇事架?但我倆都唔想生住呀!都係搵日請假再照啦!
上續........
上星期日黃昏時段,上演一幕”肥雞勇救臭greg仔”
日期 :5月25(日)
時間 :下午6時~7時
地點 :我家
人物 ;我,cut少,greg仔
當時呢,我同cut少都坐在家中,眼睇電視,口咬蝦條,而為食greg當然同我地一樣,品嚐佢認為最正的零食蝦條啦~
我地三個都不停地食.食...食...
突然間.........
greg受驚起飛,飛左入房,捐左入床尾同牆壁之間,
間房開晒窗,第一時間我衝入去,關窗先.跟住救greg仔
點知,佢大嗌大叫,嗌到好大大大聲!比剪羽毛時叫得仲大聲!
又wu wu wu叫,總知feel到佢好驚啦~
我申手捉佢,佢就越行越入,
終於捉到佢喇.佢成個身都震晒!!
又驚過,又飛過,今次飛起窗邊,好在關好窗咋.....
又捉番佢...抱住佢,鍚番佢,
佢真係好驚,爪得我好實,震到不得了.
都唔知發生了咩事,好突如其來的!
佢第一次咁驚嚇,我唔知佢見到咩野?or feel到咩野?
好在有我倆在身邊咋,安慰佢,
好彩,佢今次冇撞傷翼仔及鼻仔咋.
但我傷了...
我左邊撞傷了,瘀了一塊..
增加了一欄"我愛。駕車"
好希望終有一日,我可以將駕駛變成樂趣吧。
============================
5月25(日)
今日晨咁早給GREG仔嘈醒了,終是起身同CUT少落樓下食早餐囉。
食完回家見個天黑黑,仲響晒雷添,好似落大雨咁,我怕怕唔敢駕車呀!
於是由CUT少駕駛囉,點知又俾佢老昆!當佢駕出去第一城入完油後,就叫我揸!
一揸就揸左入北譚涌呀!!上上落落,又多彎轉,但我都控制到,都算係咁啦~
跟住駕車出紅磡黃埔行,去到搵停車場泊,原來CUT少一直都叫我入左手邊個停車場,但我就冇聽佢講,見到前面右邊有我地泊開的停車場,於是打右燈轉右入咗去呀,其實左邊方便D,右邊我要越過對面行車線嘛。。哈哈!
我同Cut少買衫,同食mos burger,行左一陣吉吉島後,就離開,由佢駕車出沙田買GREG仔糧,再交由我駕回家了。
今日駕車可以置中行駛,係好的開始!
不過學識左:原來個車軚唔夠氣,都會令部車行駛時西黎西去呀!
6點幾~7點,屋企發生左d事,嚇四我呀,greg仔!!!!!!!
後續.......
我個名叫麥兜兜,我啊媽叫麥太太,
我最喜愛食麥甩咯,一起吃雞一起在歌唱 ..............
.........
握悶是塊呢滴好耳痛 窩悶天天移汽鴿暢
握悶在雪習 握悶載撐脹 握悶是春天滴化..............
5月18(日)
下午去左沙田一田行,見到佢地咁可愛,當然要同佢地影相啦~
5月19(一)
是日放假,一早去左大圍換回鄉証,之後由我駕車由大圍去西貢,又下著毛毛雨,好驚,驚得好緊要,大佬山隧道出閘俾錢時,我車得好埋(差少少撞得)唔單止嚇親cut少,我都好驚,行到西沙茶座落車交俾cut少駕...
5月23(五)
下午,二位baby都唔晌公司,又孤身作戰,好在k先生全日都留晌公司幫我手,工作好順利,好開心!
cry妳部腦send mail有少少問題,叫左it幫手,搞掂
ri我地唔記得食你留底的”慘慘”..掉了
5點幾,有人黎見工喎,嘩~男人一名,我只可以用”好大份”黎形容佢的外型,唔知係咪代D先生個位呢????
係喎..星期一班同事同D先生食飯呀..
昨日生果日報報告一則 ”都江堰市政府貼滅犬令”,內容指災區環境衛生日漸變差,當局驚恐狗隻咬食人屍,爆發瘋狗症!故發出命令,實行見一隻殺一隻的大規模殺掉流浪貓狗行動!
我覺得動物都有生命,點解被困災民可救,動物唔可以?人類要那麼忍!動物無罪呀!!!!!!!!!!!!!!
***************
奇蹟又再出現~
昨晚從電視那邊看到報導,又傳出喜訊,救出一名60歲老婆婆,老婆婆的求生意智全靠二隻狗仔不離不棄的相伴,又不斷舔她的面及嘴,令她清醒及濕潤,還不停大吠叫人救她,最終令老婆婆被救出.
今日各大報章都有報導,四川版<<柴犬奇蹟物語>>
二隻狗兒的舉動令我好感動!
我同cut少講,如果我係老婆婆,有能力的話,無論如何,一定要收養二隻救命恩”狗”!
但.... 佢地的將來的命運會點?被殺掉??
二隻狗無條件地救了老婆婆,當局有冇想過安置牠們?
佢地係人類的好朋友,係人類忠心的動物,點解唔可以為牠們做番d野?
我忍不住喊了............
有不離不棄的狗兒,忠心耿耿地陪伴老婆婆直至被救出,
但....竟...
有不仁不考的兒子,豪無良心地拋棄老父,離開災場?
昨晚睇TVB特別節目(四川大地震)講述班從災區被救出的災民,出現情緒問題,其中報導一名老父,在地震中給二名兒子拋棄,老父被救出後一直都沒有說話,心理輔導員一直在傍開解他,了解他.
二日後老父終開口說話,憶述地震給不考兒拋棄,鏡頭內的老父哭了.
我也哭了.
人性一幕幕最醜陋的一面,程現出來!
求求您!雄起吧!
琴晚發左個夢.. 好搞笑 ^o^ 到而家都記得!
”唔知做咩~突然間比老細g點名要我幫手做MC,要上台呀><",於是好緊張,成晚瞓唔著,原來有拍擋陪我的,竟然係小白!!嗰一刻我仲諗點解唔搵BABY黎做嘛,實開心四佢啦!!!晨早同小白去到會場,台上有人表演,竟然係Kanas唱緊歌,O晒咀囉!我又心諗佢可以咁早起身既?其實個SHOW開始左喇,Kanas唱完有,有一對MC出黎講野,女司儀竟然係我中學同學Fiona!原來我地黎係接佢地班呀.”
鬧鐘晌起,夢醒了......
哈哈~R爆頭囉!做左個咁得意的Dream!
今日,有人將個銀包遺留左我袋內喎..
佢今日冇錢洗..哈哈哈~
唔係化!!!銀包內一個仙都冇既???
=="
原來...
02年發出的駕駛執照同今年好唔同呀~~
由4月25日考試成功後到今日,都有2星期冇駕車了,
害怕自己又忘記得一乾二淨,
於是乎,在我取駕駛執照既當晚,有Cut少的陪同下,駕車了。
14/5(三)唔好叫"死肥雞"!改叫"好騰雞"吧!!
好驚囉!成晚在可樂廠附近兜圈,要練熟架車。(架車好大,唔識睇位,連揸實個軚都唔好得。)
============
16/5(五)唔騰雞!練大膽!
當晚睇完大結局後,又要出街練車!今次Cut少要我行多d路,
由可樂廠開始由我駕,-> 第一城 -> 沙田 -> 大圍 ->沙田 -> 馬鞍山.
一直都OK得得地,不過呢~上高速回馬鞍山時段,開始驚,手都震埋!
當時3條行車線封左2條,我行得慢做左火車頭,又CUT唔切線,行多少少路。
============
18/5(日)膽大左!行遠左。
Cut少話晨早的星期日,街上少車,於是。。。。。。。。
今朝,我好神心,晨咁早6點起左身,拍醒Cut少陪我練車。
今日由馬鞍山停車場開始,出旺角天光墟~
行獅子山隧道出,好驚!全程都好緊張,唔單止手震,連腳都震埋><"
出到旺角,落車行左一陣,心定左d。又開始駕車,Cut少話行遠d喎。
入大埔大尾篤。
入到去,搵間食泰國菜的餐廳食個早餐先,食完話繼續入喎。。
入鹿頸!嚇嚇嚇。。。。
行新娘潭路時,成班電單車佬頂我唔順爬晒我頭囉。。超~!
大佬呀!爬還爬~對面有對頭車呀,唔好向我面前瞓底呀。。
。。。。
*十一點回程*
行吐露港時,交警爬我頭時順便超一超!
亞蛇,我行80,冇超速,冇靚女,唔準望!
開始識泊位,知道點睇位。(未計s位)
。。。。
個心開始定,冇之前咁騰,但此終要Cut少坐我格離睇實我!
有時行唔到正中,"咩"左一都邊都唔知~
十字路口轉彎唔順呀!吾識扭軚呀。。。
唉~睇黎有排操,暫時唔好叫我載你地出街呀,危險!
@駕駛點留影
今日下午,同CUT少出深水埗買INK,
行開嗰頭,我好鍾意行一條專買玩具的街遊逛(唔知條街叫咩名)
今次我又有收穫~
撈劫左一班黃色小物體回家:
唔止帶左一家8口返黎,仲拖埋棵椰樹tim
齊齊進駐我家廁所某一角落,仲有層層疊龜及mon仔,日日陪我沖涼呢。。
另外,又帶左佢回家。。
一盆健康的兔仔花,
在這個星期內,
同照顧佢的主人一樣,
身體受到病菌入侵,
葉子變黃,落葉。
雖然,身體虛弱,樣子變得醜陋,
但她還是長出漂亮旳花兒來。
我都要繼續努力,
打販呢班傷風惡菌!
也要
為四川的災民打氣!
要團結,有意志才能繼續生活下去!
也要
感謝一班不持勞苦的救援員致敬,
有你地大家才有希望!
栽種兔仔花要注意空氣流通,切勿讓猛烈的陽光直接照射,否則葉片會枯黃,花莖軟垂和花蕾凋謝,澆水時要避免淋濕花葉,澆水至泥土微濕即可, 春末初夏開花。
5月14(三)
就係因為昨日咳得緊要,眼淚直標,鼻水長流,聲沙喉痛.....等,
種種因素的關係,所以,今日決定告假一天!
Cut少叫我到沙田市中心,某一個睇傷風得的醫生睇喎,
佢又起提我,沙田有間運輸署添,於是帶埋有關文件,
十點鐘出門喇.
睇完醫生後,去取牌,原來一張十年駕駛執照要900大元,
取完後.我冇立即返家,竟然自己一個走去行商場,(難得機會行下街)
發現....
西田改左名叫"一田",怪怪的。
我去左無良買左CUT少喜愛吃的食物,
而我都開始肚餓,買左少少零食就一面行一食.
其實都好享受一個人行街的感覺,不需理會別人的感受.
都係行左一陣,見唔太舒服,回家喇.
返到家都係一點半...
我終於係有牌駕駛者喇^^
上次晌日本買回來的bird in car 可以用喇~
仲有其他可愛貼紙,大派用場啦!
5月12(一)
當晚六時半,
我們一家到理工李嘉誠樓間聚賢樓食晚飯。
~慶祝母親節~
普普通通的一餐飯,
環境OK呀!寧靜!可望維港景色,
仲可以欣賞埋幻彩詠香江!
5口子開開心心吃了一頓飯。
5口子?係呀。。
佢都有份呀!哈哈哈!
我一面整一面笑。
~又笑又咳~
咳死我喇!
剛剛睇了電視台的特別節目及新聞,
講述四川大地震的災情,萬二人死亡,尚有無數人正等待救援。
天雨夜冷,無家可歸,無水無電,災情嚴重,情況令人更不安!
畫面傳來一幕幕的救災工作,
其中一幕令我好難過,
講述一名女子等足一天,終於等到救災人員救出被困的父親,
但好可惜,父親已離世,女子傷心痛哭,
此情此境令我感受到失去自親的悲痛!
還有,一所學校在地震後倒塌,活埋了無數師生,
每當父母看見子女的屍體被抬出時,傷心痛哭。
種種情境,都令人悲哀。
睇見溫總,確實令人佩服!
我同Cut少及老爺一家每人捐出$$,希望可以幫助有需要的災民。
中國加油呀!
我要休息,快咳死了。。。
放3日假,就病足咁多日!
勁喉嚨痛->勁流鼻水->勁咳!
連聲都變埋!
辛苦到我死!
一有時間就休息瞓覺。
用小小時間,倒敍方法,記錄呢3日的事項~
5月12(一)睇醫生
醫生話,上呼吸道感染!幸好肺部冇雜聲。
下午瞓了2~3粒鐘,
晚上同我屋企人慶祝母親節食飯。
5月11(日)
中午,出左去行了一圈,雖然辛苦,但身體舒服些。*海下灣海岸公園*
好想睇香港珊瑚,不過去到係冇得睇架,只接受團體參觀!!
下午四時回到家,我好累要瞓覺,瞓到一半咳醒了,好辛苦!
晚上,取隱形眼鏡,今次改配戴2星期,比起我以前戴開的一個月的貴左成千元。
我左眼又加深左,左右眼的度數不同,以後戴CON要留意D。
不可左右戴錯!
今日母親節,奶奶嗰邊我地一早同佢慶祝左,我媽媽嗰道就因為我病,改為Monday慶祝。
鼻水開始流過不停呢。。。。。
5月10(六)
一早起身,喉嚨痛到火燒咁,勁多job做,做到2點半才走人,
返到屋企,佢地話去BBQ喎。。
我真係唔想去架,不過因為要有人駕車的關係,所以
我要去埋一份囉。。。。。。。。。
由5點燒到9點,仲要落大雨,不過個燒烤場有瓦遮頭,唔洗怕!
個沙灘有好多海胆,好得意呀!
食到一半有隻貓走過黎,問攞食,好得意呀!
但我就
痛痛痛。。。
我都唔明....... 二隻衰豬都同樣地.... ...................................................智趣相杸 ~ !
對我個袋內的物品... 存有極大的興趣 !
費解~ 費解~
好大個西瓜呀 !...............................
係我既~ ...................................................
大家, 係唔係好.似曾相識呀...??? 係佢學我咋~
個西瓜又大又重, 切西瓜的任務當然交俾爸爸啦~
而我就負責監督....
望住爸爸有冇偷食... 咦~好似就快有得食喎...
有得食喇~yeah~!!!
又甜又多汁, 好好味!....................
不過..
媽媽話: 唔準我一個食晒個西瓜, 會肚仔唔舒服..所以.. 最後,
一個西瓜, 同爸爸媽媽齊齊分~