１月３１（六）
仲有1個星期度，就出發 " 不海盜 " 之旅！
機票，租車，酒店．．．．等都準備好晒．
好期待：
雪祭，小樽雪燈路，旭川企鵝/北極熊，破冰船，冬李濕原號，札幌拉面．．等
大致上都ｐｌａｎ定晒８日行程，
昨日我仲買多本天書作參考之用，希望ｐｌａｎ得更好：
（左邊係ｃｕｔ少同事借給我地，右邊係我自己再買的，二本天書走天涯）
另外，買天書之際，發現了呢本名叫 "老少女基地"，漫畫式風格，啱晒我呢ｄ唔想睇咁多字的懶人，我打算在停留台灣，等轉機去札幌時，打發時間用的！
今日返工，支旗仔好可愛呀 ＾＾
放工過去理工，搵ｃｕｔ少食飯，跟住佢要返學，而我就自己一個落旺角行街，首先到金魚街買假期魚糧，再到鸚鵡店買糧，買齊晒佢地班大帝的糧食後，去格離條花園街行，聽朋友講呢處有售買平價的雪褲（高佩妳妹妹借給我條雪褲都係窄窄地唔著去喇）的確有平有貴，花多眼亂，搵日拖埋ｃｕｔ少黎一齊簡．
大約６點鐘離開旺角，在新世紀見到佢地喎＾＾
呢隻鸚鵡ｆｉｎｇ頭擺設，在花園街買．好可借返到屋企佢唔識ｆｉｎｇ > <
１月２９（四）
今日年初四，要返工，開工大吉！
估唔到第一日返工，我就派左２０幾封利是出去了，
今日第一封收到的，就係我老細亞ｇｉｉ，多謝多謝晒！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
今日好爆囉～有二樣野發生左！
１）返到公司坐底，當我掉垃圾入垃圾桶時，我發現有張ｐｏｓｔｅｒ貼左我張枱下垃圾桶旁邊個櫃邊度，正正對住我隻腳！係孫耀威呀！！做咩將孫耀威貼在垃圾桶旁邊呀．．．咁我ｄ眼光要望底ｄ囉．．但係咁做法，亞威哥日日望住我隻腳喎～～
大家笑到唔停得口，咁爆的野，一定係"大陸哩"做啦
！咁張敬軒呢？去左邊呀？
２）放左幾日假期，ｃｈｅｃｋ下公司ｅ-ｍａｉｌ先，就發現其中一封主旨寫著”１６樓的貓”，內容不致寫上祝我牛馬精神，貓體健康，又話起初見我在公司工作時吽下吽下，好唔開心咁，但近排見我重現歡顏心情愉快，又祈望我在牛年日日都要開心快樂！笑容多，人都靚！最無奈係佢冇寫係邊位，打左個 "談灌K" 作為佢的名稱！
= ="救命呀！乜水呀？玩野呀！問晒我班玩開的同事都冇人認頭，都唔知邊鬼個咁無聊！總知一定係公司人啦！好無聊呀！
咁就變左大家同事間的話題～ ”亞ｃａｔ桃花旺！”，佢地話要圍住我行個圈喎～笑爆咀呀！！！！
唔好理，變態人多的是！
1月２８（三）
今日年初三．一早去了每年都去的地方～＞林村許願樹．
早上８點起身，九時出門，在大家溝通有問題的關係下，搞到有人有得去，有人冇得去，好煩！搞下搞下，等下等下，終於，奶奶，二個小朋友，４家姐，ＣＵＴ少同我，一共６人出發。１０：３０才到達，到停車場泊車，＄４０二個鐘，不過呢＄４０可以換番４張（面額＄１０）的遊戲劵
我地先到舊一棵許願樹許願先
呢條許願廊內的細葉榕樹，係供各界有心人士用28,000去認購
我寫好願望在寶牒上，準備掛上（冇得拋，唯有掛）
掛完許願板後，（做完正經野）
再到格離的嘉年華廣場，用４張遊戲劵去換４個代用寶牒先，
而家用豆袋代替真橙。
寫咩好願望好呢？？
哈哈～就寫呢個啦～玩下開心下^^
呢棵就係新造的人造膠許願樹. （我覺得呢棵似係提供小朋友玩多ｄ）
４個傻瓜準備拋樹～ （二個小朋友＋我同４家姐）
雖然棵樹矮左，但都好難掉上去掛著，大家嘻嘻哈哈一輪後，離開林村了，首先要車４家姐到八鄉，放底佢後，我地就繼續向下一個地方出發，
端記茶樓飲茶。（位於大冒山腰）
呢間傳統酒樓，全部都要自己一手一腳親力親為去做的，我負責沖茶執杯碟，點心就由小朋友自取，二個小朋友都未試過自己取點心，佢地二人續個蒸籠打開睇下有咩點心，覺得好新奇，仲玩得好開心ＴＩＭ～
飲完茶後，去行下格離塊西洋菜田，其中一個小朋友唔知道係水種菜田，一腳踩到隻腳濕晒，笑到大家停唔到口呀～！
１：３０ｐｍ車大家回到家，
叫了二個小朋友黎我屋企打ＷＩＩ，佢地二個又玩到勁開心。細嗰個小朋友仲百厭到去嚇我隻ｇｒｅｇ仔．（不過ｇｒｅｇ仔都好乖，冇嘈，冇扭計）
玩到４點鐘，大家又要出門，要去紅磡，到老爺的亞哥亞姐親戚家拜年，
直到晚上６時，拜完年離開紅磡，一大班人去位於星河明居的３家姐家吃晚飯，
整左好多餸菜，又叫了二大盆壽司，又有飯後甜品沙津，飽到大家都唔願郁．．
開飯喇，快ｄ埋位．．．．．
ｈｅａ到９點～１０點，就回家了，臨走前，到荷李活廣場影下相先～
開開心心地過左三日超忙碌的假期，全冇休息過，明天又要返工喇～
１月２６（一）
今日係大年初一，祝大家
恭喜發財！身體健康！心想事成！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
我地今日的確早上４點半起身，５點鐘出門，約ＣＵＴ少４家姐行花市，
原本諗住到維園行的，但又怕去到結束，於是改去旺角花市。。。。。。。。
。。。。。。。。。。。。
點知去到都開始清場，一場黎到點都要買少少回家，於是我買左個牛屎，４家姐就買左個吹氣＂Ｉ-風＂俾家裏的小朋友。佢仲買左個夾番黎夾野
都冇野買離開啦，行完花市，７點幾，同４家姐一齊回奶奶家拜早年！哈哈老爺奶奶都未瞓醒，天都啱啱光咋～吃過４家姐做的早餐後，等老爺奶奶梳洗完畢後，又要第二輪活動～～～＞去北角拜神（觀音）
拜完觀音後，老爺留下幫手，我同ＣＵＴ少及奶奶離開，跟住進行第三個行動，到ＣＵＴ少的大家姐家拜年！拜完年，ＨＥＡ左一陣，我同ＣＵＴ少回家休息小睡，下午４點，起身煎媽媽整給我的蘿蔔糕吃！之後又去第四處地方拜年～～＞輪到我娘家屋企喇。去到差不多５時，坐到６點鐘離開娘家，原來ＣＵＴ少的３家姐及姐夫都在附近拜年，順道車埋佢地，見到面又拜下年恭喜下，就一起回奶奶家吃晚飯。
今日拜年活動完畢，明日又要早起，陪奶奶去黃大仙～～～～
１月２４（六）
今日年廿九，晚上到奶奶家吃團年飯～
一黎到，就被ＣＵＴ少的二家姐叫我飲酒。。飲下飲下又一杯，面都紅晒～我唔飲得呀！
左邊係我（死肥雞），右邊。。。。唉～嘔！二姐夫的超自信心的行為！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
１月２５（日）
今日年三十，晚上到我家吃團年飯，普普通通的一餐飯，
吃完後，到何文田搵高佩取朱朱的喜帖，我仲問高佩借雪褲（借富）
哈哈，我回家試著左喇，不過，穿上後我都好窄呀，唉～睇黎我都要減下肥喇！
今晚要早瞓，因為我同ＣＵＴ少約左人於零晨４點去行花市呀^^
１月２２（四）
早上，好煩，好多野都唔係咁順利。
我在ｍｓｎ打了幾個字。。。。
之後，就收到。。。。。
收到呢張野，真係好爆笑囉！尤其係＂岸上之媽咪＂～
好多謝你地呀～我呢班好同事！好姐妹！
ＯＮＤＩ，貓骨，ＣＲＹ，大陸呢（新花名）及仔仔！！！！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
今日應該係全公司最多人走的一日，
我ＴＥＡＭ都有二個走。於是趁今日搞番個團年飯＋Ｆａｒｅｗｅｌｌ
因為人數太多，最後我都要訂兩圍枱，
二位主角都坐左我呢圍，佢地的爛ＧＡＧ程度爆晒燈，一唱一和笑到肚痛！
但，段估都估你唔到既係。。。。
佢地二人打破慣例！臨走前，唔再請大家食西餅，朱朱力。。。等東西。
而係，佢地二人竟然派－－－－＞紙巾盒！盒上仲有溫馨提示，
我真係ｏ晒咀囉～
jeff 見我咁既表情，仲用紙巾盒扑左我個頭一嘢。
臨走當然要影相留念，
ＯＭＧ！
Ｓａｍ竟然擺出港女拍照的例牌動作，仲同我地４個女仔合照，
ｈｅｌｐＭｅ！！！！！！
等睇相。
最後， 祝
你地二人，將來比現在更開心～！賺更多！
