買孕婦用品+睇風水

2月27 ( 日 )

今日下午約?Eric , 帶同師傅黎我?間新屋睇風水.

上午得閒, 同Cut少到樓下間千色店行吓, 睇吓 b 嬰兒用品啦, 其實同昨日在一田的BB 展的價錢相差太遠, 行下行下, 行到一間孕婦店, 買?2條孕婦內褲, ( 因為著開咗d我真係著唔到了, 試買2條黎著, ok 的話再買 ) 之後又見到孕婦用的網褲*, 我記得上網搵資料時, 看到一般準媽媽入院生產時, 必需帶呢樣嘢入院, 於是又買, 點知個售貨員話有一set 套裝買, 有 4條網褲, 一包床墊,  一包產婦衛生巾以及沖洗器一個,  見價錢都合理, 一set 過洗周圍搵, 於是乎又買咗.

點知返到屋企, 睇下仁安醫院入院需知啦, 原來我係唔洗買架~!!! 呢間私家醫院包晒架....

唉, 買多咗tim... 不過唔緊要, 有多好過少, 我入院時都會帶埋去!!!

 

*網褲 - , 係給孕婦生完BB後著的, 因為生完之後有傷口的,  網褲比較透氣同埋唔會太緊的內褲.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

下午2時多, Eric 帶同二名風水師黎到我屋企, 雖然而家住緊的地方係租住先唔係自己物業, 但, 但求安心都係想搵人睇下. 仲有呀, 我?會等BB 出世後, 搵師傅幫我哋替他起個名.

晚上回奶奶家吃晚飯時，說起替BB 改名，大家說出不同名子，勁有趣囉，施子生（獅子山）!

一田BB展

2月26 ( 六 )

上星期有同事通知我, 在會展有荷花搞的BB展覽活動, 於是昨晚上網搵資料, 原本此展覽主要係為學前小童, 教才, 等等, 少孕婦產品, 於是, 今日改咗地方去沙田一田BB展.

一早去到一田, 人唔算多, Cut 少致電大家姐及二家姐, 查詢一下應要購買什麼回來, 講真, 我倆第一次做父母, 好多嘢都唔曉的,  有前輩教導當然好啦~ ^^

在我全神貫注地選購 嬰兒用品之際, 聽到遠處有人狂嗌我個名, 抬頭一望, 原來係一名己離職多年的女同事叫我, 大家都係準媽媽, 她肚內係BB囝, 仲早我個BB囝一個月出世呢, 傾談間, 大家仲互摸相方肚子呢.... 不過唔知點解, 我遲佢一個月, 但我個肚子還比她大呀 ~??

今日收穫唔算太多, 因為實在唔清楚買什麼要好,  而且Cut少又話時間尚早, 可以慢慢周圍格價再選購....

買咗個NUK 電子奶樽消毒器, 還送咗2大2細的奶樽. 以及長身的和尚袍.

giRls GathEring @ my New hoMe

2月18 ( 五 )

好開心, 一班好耐冇見的中學同事,  今晚黎我新屋探我...

老公 order 咗 pizza Box做晚餐, 之後, 老公仲幫手煮亞雲送俾我?的湯圓做飯後甜品.. 好味道, 好滿足.  好多謝您呢幾個放咗工, 坐車入黎探我呢準媽媽呀 ^^

下次見面, 應該係我生完 BB 後lu~

到仁安醫院訂分娩套餐

2月11（五）

今日book 咗6：00pm 到仁安醫院做產檢，又可以見到BB了，一切正常。

我哋諗住book 埋床位啦，點知霍醫生同我倆講今年好full ，要排期至8月，我倆聽到都嚇了一跳。點解搞到咁遲才去BOOK？係因為我想等齊威院出晒所有報告後才到仁安的，但真係估唔到今年咁爆囉，唔係醫生親口講我哋都唔相信！

醫生叫登記姑娘check 下仲有冇位啦，在等候期間，我倆都好膽心，不過好好彩，都有位俾到我，於是嗱嗱林落咗1萬元訂金。

我選擇自然分娩套餐，四日三夜住院，四人標準房，包一般產房服務及護理，丈夫陪產服務，產婦日常用品及衛生用品，又包嬰兒護理服務，禮品等等..... 一共$16xxx 但未包括醫生費及其他費用。

greg 仔錫細佬

2月8（二）

今晚心血來朝，走到 greg 仔面前，??高件衫，凸個大肚腩出來，同 greg 仔講，錫錫細佬啦，點知佢真係錫?我個肚皮一啖，呢一刻，我覺得好warm