終於買到新鞋子

由細到大, 要朗朗B 試鞋.買鞋的一件更難的事.

原因係朗朗B 係一個好固執的人, 著住呢對, 就唔會換另一對, 更唔鍾意別人掂佢隻腳, 替佢換鞋/試鞋

但, 可能開始大個仔了, 識得貪靚了,

朗朗 B 終於肯俾我哋同佢試新鞋, 見佢唔抗拒, 再試多幾對,
 
最後, 當然俾埋錢, 著住新鞋跑跑跑啦~

7月28( 日 )

呢對係上星期, 冒著試下的心態, 替朗朗B 試著新涼鞋,
佢唔反抗的反應令到我哋好驚訝. 仲著住笑影相.

第一年 行書展

 

 一年一度的書展又舉行, 原來今年已經踏入第 24屆了.

 

咁多年來, 今年係我第一次去買書咋, 
以前冇人陪(老公一定唔陪我 ) , 謙多人( 其實真係好怕咁多人 ),  

今年, 首次單人匹馬入去 , 最主要都係為咗我個仔呀!

希望到書展選購啱心水的兒書給佢, 從而希望佢由細培養出閱讀的習慣 !

好開心 , 突然間有人陪 ! 大肚婆同事陪我去一轉, 等我有個伴


show 下我的戰利品先 ~~





7月18( 四 )

今日係書展舉行的第二日, 我一早向公司請了半day 假, 我第一年去, 都唔知道自己會買到幾多書返來, 所以我只係背了個 背包 + 中型環保袋咋.

同大肚婆食過 麥記快餐, 就出發.

今日主攻 3樓 兒童天地

我倆一早在 OK 便利店買咗入場票, 所以可以沿住指示直入會場,  大約2:30pm 入到去啦, 都唔算太多人.  

好多小朋友在小樹苗counter 坐定定睇卡通






好可愛的忌廉貓 ( 可 惜 冇 買 到 )






大肚婆行到4:30 pm 離場, 而我就繼續行到 7:00pm 才肯離開, 半日靜係行兒童天地咋, 其他hall 都冇行過 ! (((半日原來係唔夠架 !! )))  我個背包同環保袋都已經塞到爆晒, 但我仲有好多o野想買o架!! 不過買咗都冇手拎啦. 而且, 我主要買梗皮英文書仔給朗朗B , 每本書都有d重量..... 我怕行到半路 爆袋 斷帶咁點算...

返到屋企, 累到我想死囉, 真係仲辛苦過做苦力, 二邊頸背及肩膀 + 雙腳, 酸痛到唔屬於自己咁, 好後悔點解唔推架車仔來搬書呀

原來, 自己買咗成 1x 幾本書返黎.








呢三本加埋 $50 都唔洗 ( 左下係立體書 ! 見下圖, 右下係面具書, 可以一面講故事,一面角色扮演, 非常有趣! 可互動 )



嗱! 呢本snakes 打開內頁有多條立體蛇 彈出

經同事推介，買了其中一盒， 好Funny 的盒仔立體書


Winnie the Pooh 書 連 DVD  $45

呢批書有得玩又有得睇, 係小B最鍾意的！
- 左上小丑魚書係教小朋友數仔魚, 魚仔會續頁增加,
- 右上的米奇彈琴書
- 左下係Toy Story puzzle 書
- 右下本軚盤書係再買多本的（之前嗰本壞咗了）

$100-3本。( 本Lion 書最後一頁有立體lion 彈出及有lion 叫聲 )

買咗少量益智玩具咋,  




只有呢本才屬於自己！
天地圖書-馬仔的湊B3！仲有把馬仔扇子送，
好在同事叫我買咗先咋，如果唔係連呢本都買唔到！
我想買文地貓！但冇去到




另外, 我另一個同事幫我到書展買咗呢本
 


大肚婆就買了呢幾本書

今次我大約用了 $8XX 買書. 如果我有推車仔的話. 可能唔止呢個數呀 ! 



同場加演 朗朗B 玩．閱讀

朗朗睇書書 推推推......

朗朗B 釣 (金歸 )

親子活動 - 探索大自然遊學園 x 動物農莊 2013

7月14 ( 日 )

今日 我們一家三口去亞洲國際博覽館的「探索大自然遊學園 x 動物農莊 2013 」玩。

現在派發的map




爸爸先買飛

售票處及入口
去換禮物先 ( 之前 同事買咗本 Baby-mo 附送張換禮物咭, 換咗個雜物箱)

 

朗朗入到去，就見到二隻恐龍 
不段叫 "恐龍恐龍"

跟住就周圍行下
先見到兔子、倉鼠、天竺鼠及龍貓，除咗望仲可以排隊親親佢哋。 

其實今次山長水遠黎到，最主要係帶朗朗去摸摸馬馬的，

嘩! 咁多人既，爸爸律先排隊，我就帶朗朗周圍行下，參觀下，

行去隔離山羊區睇山羊 

朗朗ｂ第一次見羊咩咩。

朗朗ｂ又係第一次見水母，隔離係海星區，可以排隊入去摸摸海星
 

 

另外，有好多充氣遊樂場、大自然遊戲，親子活潑工作坊等等

行完一圈，見到爸爸仲未排到，於是帶朗朗去試下踢禾桿草，起初朗朗有少少害怕，

有位工作人員姐姐療朗朗ｂ玩，但佢怕羞　

warm-up 完一輪後，朗朗B終於 開始放膽玩,

玩完，踢完，我估時間都差唔多了，要返去搵爸爸喇

起初，朗朗B 有少少驚隻真馬，唔夠膽摸摸佢，但，望多二望，比ｄ信心佢，佢終於申出隻小手去摸摸隻馬馬了，仲唔小心摸埋馬馬隻眼，嚇親馬馬呢．

（排隊用咗半個鐘，摸摸只係５分鐘）

摸完馬仔，朗朗B話要拖埋爸爸玩多次禾桿草！爸爸整朗朗，朗朗整媽媽

連 Pingu 都唔放過．．．．


玩到1:00  幾就離開了，原來可以無限次數即日來回入場玩的。　

但係此終朗朗都係細個（二歲B ) ，大部份遊戲要３歲以上才可以玩。但對朗朗來講，已經玩得非常開心



回到家裏，問朗朗B ，今日做過咩野

佢答我：

摸眼眼　（馬仔眼眼）

踢草草　（禾楊草）

呢二件事原本對朗朗最深刻的