北海道８天之旅～Day ２- 小樽（跣到patpat痛）

２月１１（三）

札幌  

 小狸路 

 二条市場

 小樽 

 札幌

今日9時起身，

搞掂後十點出門，趁早要去一去狸小路行下，

因為昨晚下雪，今日地面比昨日多了好多積雪，ｄ雪被人踩得多，溶左就變成冰，我就係呢個時候，在酒店樓下一個唔小心～～～跣抵左！好在當時街上唔多人，Cut 少都快快趣扶番起我，真討厭！

出到去都唔知食咩好，都冇早餐食咯，見到遠處一個熟悉的

，走入去食個套餐囉～

我食モスライスバーガー きんぴら

Cut少食帆立コロッケバーガー

食完包包，向狸小路出發，狸小路由1丁目至7丁目組成，大約1公里長，大部份都係食店及商店，我地倆傻瓜在此處逗留左一個上午．又入左一間幾層樓高Donki Honte..行左成個鐘... 玩左成個鐘..

 

　　　　　　ｄ人唔知真係以為二個晌癲人院出黎，玩到冇野好玩．．．

　　　　　　　 狸神社，守護狸小路一帶的商店生意興隆～

　　　　　　　　　呢個鸚鵡鬧鐘，其實我有想過買番香港的，不過行完狸小路後，返轉頭行過已經不見了．．．．　在最尾一日，再行多轉，都消失了，注定我同你係有緣但冇份啦～～～～～　　　　　

　任睇唔嬲既．．．．．

　　　　　　　　流冰天使

行完狸小路盡頭，就會到達二条市場．我地今次只遊覽，冇幫襯，等最後一日先啦．．．       　　　

　

　

　

　

行完二条市場後，回札幌駅by JR 去今日的目的地～>小樽

經過電視塔，剛剛下午1:20pm

     　　　　　go ~go~go~向小樽出發（因冇位坐，企足半個鐘頭，冇野做企晌車頭影路軌啦）

　

　　　　到喇到喇～小樽駅！車站內掛滿了煤氣燈作裝飾

　　　　　小樽街道，ｄ積雪高過人，好誇張！要影底佢．．

　　　　　　我地向住小樽運河方向行走，經過呢間中山牧場牛乳製品店，Cut少話要入去買雪糕吃

真係好好好味呀！　

 

終於黎到小樽運河，真係好靚呀！勁多人影相囉，不過佢地都好有禮貌排住位影相，但係又發現周圍都係香港人！

　　　

　　　

　　　　　　運河側邊，工作人員埋頭苦幹向住個水桶整整整．．做咩呢？晚上就會知道！　

睇完日頭的小樽運河風貌後，見到對面有野食，又係時候醫肚取暖．

超大粒ばくだん焼（炸彈燒），（之前在池袋吃過，好味）今次再次回味！舖內有個暖爐，暖住腳食熱波波，正呀！跟住我地順便向日本哥哥仔問路，雖然佢唔識用英文答我地，但都好熱情地指手畫腳，答左我地．

　　　　　　終於黎到小樽的堺町通一帶的商店，瘋狂地遊逛！！！！！！！！

就因為太興奮，太開心的關係，我又再一次樂極生悲．．．

我又第二次跣抵，今次向正行車路跣到，俾路人甲乙丙丁，以及一架巴士司機望個正著，自己又企唔番起身，Cut少扶起我，我都跣下跣下論論盡盡先企得起，"火羅"到爆囉！個pat pat 位濕晒．．仲好痛好痛囉！

由呢一刻開始，我就好小心地去行每一步．．．．

 

＜待續＞

 

北海道８天之旅～Day １- 札幌雪祭

２月１０（二） 晚上

放底行李，就嗱嗱啉落樓喇，去欣賞一年一度冬日盛事：第六十回札幌雪祭～

就日短夜長的關係，當時４點幾鐘，但天已經開始黑了，沿途所見所有市民都向同一個方向前進～＞大通公園．( 雪祭主要分為3個會場, 分別是: 主會場大通公園、副會場Tsudome和Susukino, 主會場大通公園是雪祭的焦點, 它長達1.5公里, 分為12個丁目。) 今次，我地主力到大通公園遊覽！

　　　　　

 經過計時台，札幌其中一個旅遊景點．當然要停底影張相啦，我記得當日計時台提早關了門，（入場費：成人：200Yen, 小童免費）

　　　　　　我地由第1丁目開始行起，一黎到見到第二個旅遊景點：電視塔

　　　　　　上電視塔也要收費，當晚都多人排隊，所以唔上喇～

　　　　　　好可愛的雪人小擺設

　　　　　　用冰塊砌成嘅吸煙區！感覺係  

．．．．．

　　　　　　１丁目～写真の未来を守る！「つよインク。」

　　　　　　３丁目～Ｄｒｅａｍ　大雪像

　　　　　　４丁目～做得超靚的　迪士尼大雪像　

　　　　　　 ４丁目～日本蛙王．北島康介的雪雕像（２０１６申辦奧運）

　　　　　　５丁目～函館箱館奉行所廳舍　大冰像

　　　　　　７丁目～韓國．南大門　大雪像

　　　　　　８丁目～浜松城　大雪像　

會場中有個差不多二層樓高的滑雪台，即場有滑雪高手表演．

許願燈祭

終於黎到１０丁目，我最想睇的大雪像！！！

　　　　　     １０丁目～北の動物家族　大雪像

　

　

　

好興奮呀！竟然可以親身黎到，親眼目見一座超靚，超大的雪像，好開心，多謝Cut少同我黎到，一齊感受～！

最後１１&１２丁目係一些體積細小的小雪像

　

　

　

行晒12丁目後，雙腳已經凍到失去知覺！第一日黎到晚上著唔夠衫就出街行，真預料不到．

在又凍又餓的情況下，要快快找地方坐底取暖醫肚．．．．

 

好攰呀！昨晚冇好瞓過，所以今晚回到酒店，就一覺瞓到大天光．

 

明日Day 2 預告：小樽市一日遊