到威院檢查

12月28（二）

今日, 到威院檢查，原來要自己帶杯帶尿驗，如果唔係就好似我咁, 周圍行又上又落用$5買個紙杯，盛住尿尿驗！

先見姑娘，佢要我去健康院的產前驗查的抽血報告，我話冇！佢就話我點解唔去抽，叫你今日補番去抽，到時驗到bb有咩事都太遲啦！勁差囉~ d態度！我仲同佢講, 以為上次驗晒架，個姑娘話上抽血只驗唐氏！個姑娘再同我講，一陣見完醫生後，去抽血啦，都唔知會唔會抽好多呀？唔知要唔俾$？

見完醫生喇, 今次只係聽聽 BB 心跳聲咋, 冇得見 BB 個樣,

跟住去抽血，嘩~!! 要等成個鐘！等咗好耐, 輪到我去抽, 今日一共抽咗4支呀！

Pingu ~~~~

12 月12日

走咗去皇室堡 探佢地

度頸皮

12月2（四）

今日約?9：00到威院做check 頸皮，當我訓底姑娘第一野照BB 時，BB坐咗晌度，好搞笑的, 我都係第一次見佢坐的. 醫生話BB 坐底咗係Check 唔到頸皮, 於是等一等啦.

過咗一陣, 醫生又照吓BB , 終於見到佢瞓底咗lu~ 不過........

佢勁"燦"個身囉~!! 不斷郁!! 好似蜈蚣跳咁. 搞到check唔到條頸呀.. 照個咗成半個鐘！個女醫生可能見照咗咁耐都check唔到, 開始不耐煩, 輕力打我個肚仔, 等BB 郁去另一個位置, 都係唔得...... 電話響起, 個醫生去聽電話, 我就趁呢刻個心同BB 講, 乖D啦, 等醫生幫你度頸皮啦...

過咗一陣.... BB 終於停下來, 度到頸皮了 , 醫生話正常 ^_^