Happy Halloween

係呀！　今日萬聖節．．．　

今朝街上，多左好多小嘩鬼！一班班小朋友扮到鬼五馬六回學校慶祝萬聖節．

看見佢地的造型，簡直可愛到不得了！

好，我都幫家裏二位小朋友打扮一番先～

（要佢地戴上頭飾，真係難過登天，唯有用photoshop整整去）

 

 

我個 8 卦仔~

 

 

我亞爸個寶貝女~

 

　

　

　

　

　

　

　

　

　

　

　

 

Happy Halloween！

唔好愁, 請你食件cake

在金融海嘯下，工作量的確減少左好多．

不過，呢個星期，我竟然忙足四日，人都癲！煩死～

不過有野做好過冇野做既～

 

講番件ｃａｋｅ先，其實係今年年頭去日本旅行時買回來的，一直放在家裏已經忘記了她呢．近日，開始做手工藝，才拎番佢出黎整．

其實好簡單，將所有材料縫起來，貼實就完成．

整整下，ｇｒｅｇ仔又要黎搞破壞！

：　傻豬！個ｃａｋｅ唔食得架～

*作品完成了！大約３ｃｍ度．

加條錬，可以扣上手袋，或改成手機繩

 

預祝大家：萬聖節快樂！

 

Halloween.. 他也來趁熱鬧

今年 Halloween ，

Tamama 二等兵 要狂歡一番應應節，拿起燈籠嚇嚇人喎～

一副咁可愛的樣子，大家又點會害怕呢。。

 

 

二等兵掛在我家廁所門　

Halloween 早餐

１０月２８（二）

之前睇書見到覺得意，今朝一早，照樣做了一份給ｃｕｔ少當其中一份早餐．

呵呵呵．．　ｃｕｔ少入到廚房．．偷笑了．．

 

我的收穫-羊毛氈材料

由１０月２４號開始，Ｃut少又要返理工讀ＬＡＷ, 逢星期五，六，日都要上堂，又係佢辛苦的日子了，ｄ法律名稱又長又難背，我睇都唔明，總知老公努力啦！

一到佢返學的日子，又係我多左好多私人空間了。

由上年尾到忠爺家第一次見到數本介紹羊毛氈公仔的日文書籍時，已經被其可愛造型深深吸引了，不過當時，香港未有人玩，所有材料都要由日本訂黎，而且售價羊毛氈價錢又非常貴，所以睇完就算。。。

近日，心血來潮，上網搵資料，被發現已經有得玩，於是趁而家有時間，買黎玩下，希望做出更多造型得意可愛的羊毛氈公仔。

１０月２５（六）

今日ｃｕｔ少返２：３０～５：３０學，我同佢出紅磡，佢上堂，我到土瓜灣買羊毛氈，又到黃埔睇日本書，於是乎，唔知點解，越買越多，一日洗左幾舊水。

一灰一白的羊毛及３０隻色的羊毛。

買左二支大細各一羊毛針，一盒專造羊毛波波的，及一本羊毛氈公仔的日本書

上二星期，從網上訂左二盒羊毛氈ＣＡＫＥ，起初唔識，慢慢嘗試，終於造起個初型（右下角紫色蛋糕）點知支針斷左，要停工，好灰呀！今日買左二支針，又可以繼續完成我的第一份羊毛氈手作。

拮羊毛氈公仔時，真係要好小心手指，一不留心，就會拮損手指流血。>"<

 

安置喵喵

昨晚回娘家食飯，知道爸媽間屋由下個月中開始裝修，為期半個月～一個月時間，爸媽同細佬三人決定暫搬去我亞哥屋企住...但屋企隻貓咪就....

絶對不能留貓咪在家，貓貓好怕陌生人，家裏裝修又嘈又多塵，貓咪一定好害怕，屋企要換晒所有門，如果當裝修工人拆大門時，貓咪溜左出去的話，就會變成留浪貓，爸爸一定好傷心的。

我家又飼養隻鸚鵡，貓雀又不能共處，我愛莫能助。不過爸媽不放心將貓咪放在陌生人家中暫養，好煩惱，一定要想個方法安置貓貓。

 

 

我地先需要一個貓籠。

黑色世界 ~ 迪士尼

１０月１８（六）

今晚，去迪士尼黑色世界玩．今年諗都冇諗過去會，而且今次仲係ｃｕｔ少陪我去，超開心超興奮囉～ｃｒｙＢａｂｙ今晚都去喎．

因為害怕趕唔切尾班車的關係，於是決定由ｃｕｔ少駕車入去迪士尼．．

去過幾次，今次都係第一次揸車入去咋～

停車場入口

　　

呢張就係泊車飛喇～ ＄１２０泊一日，我地泊左一晚咋．．．．

大大隻亞ｊａｃｋ瞓晌門口歡迎我地^^

超多人囉．．．．

為左爭取時間，首先捉住ｃｕｔ少陪我去玩我未玩過的～”小小世界”先

玩完小小世界後，行去玩鬼屋！經過”森魔探險路”．．先同班鬼影相．班鬼好斯文，都唔嚇人既～

好得意呀囉，食完爆谷仲有支瑩光棒送

影完相後，排隊玩”森魔詭域”排左一個鐘．

玩完鬼森林後，嗱嗱聲排隊玩第二間鬼屋：鬼酒店，不過要排２粒鐘呀，又未吃飯，腳仔攰攰，想放棄．突然間有煙花睇呀，近距離睇迪士尼的煙花好鬼正．跟住打電話問ｃｒｙＢａｂｙ第二輪花車幾時有，多謝ｃｒｙＢａｂｙ答覆我９點９仲有一場，唉，我原本想放棄唔玩酒店睇花車的，不過竟然ｃｕｔ少話要排落去玩埋去，好啦繼續排啦，排排下我肚仔餓走去買ｈｏｔｄｏｇ同ｃｕｔ少一起吃．

唔知係咪大家都趕住睇花車呢，條隊越來越快，當宣佈尚有１０分鐘時，我已經入酒店喇～　玩完酒店真的超得切睇花車呢＾＾

 打頭陣超巨大亞ｊａｃｋ南瓜車

睇完花車巡遊後，迫ｃｕｔ少陪我玩ｐＯｏh   ＰｏoH，因為佢冇玩過ＨＫ囉．．我要佢玩，等佢知道，香港比日本真的差得多囉～

 唯一一張合照～哈哈哈！

跟住睇３Ｄ．．

睇完最後一場．．１１點幾，全部遊戲開始關閉，我想入明日世界都唔俾入喇><

我地唯有行出美國大街ＳＨＯＰＰＩＮＧ．

幫亞ＪＡＣＫ打扮成咁，唔知佢鍾唔鍾意呢．．

 最後，我決定買呢件Ｔ

 

的而且確，泊左架車黎，係全完唔洗理會尾班車的時間．．盡情地忘我地瘋狂地逛遊商店，１２：３０的美國大街係乜人都冇呀！

離開後，駕車去火炭大排檔食宵食，返到屋企都２點幾lu～攰死左！

 

點解我有咁多ＪＡＣＫ頭？ｃｕｔ少囉～笑爆咀 !

 

今次黎迪士尼，完全冇踏入明日世界，冇玩 Space Mountan 及幸會史迪仔，唔肯呀！　

多謝ｃｕｔｔｅｒ為我帶來一個好好玩的晚上．

仲有好多相,可去facebok 度慢慢睇啦~