冇尾巴的魚

６月２７（五）

今日放工回家，望下家中的魚缸內的魚魚，

點知有慘劇發生。。。。

受害者：

　

　

發現其中一條魚，成條尾巴被其他魚兒咬掉了，好可憐！

簡直慘不忍睹，於是立即隔離佢，放在育嬰箱內，

魚兒可能受驚過度，冇吃魚糧，

箱內的水草，可以給他容身隱藏外，也可以給他充飢之用。

我望左好耐，都未能找到疑兇！

呢種事情都係第一次發生，我估一定係新來的魚兒做的。太可惡喇！！！

 

 

香港人的漢堡包

６月２２（日）

哈哈~

有人懶皮．．．著拖鞋去街，因為偷懶的我唔想揸車～！！

早上，

同ｃｕｔ少出深水埗睇汽車用品，但搵唔到，冇買到．

行完一輸，開始肚餓，ｃｕｔ少話帶我去食好野喎．．．

於是離開深水埗，揸車去黃埔．．．．．．．

奇奇怪怪咁～都唔知帶我去邊～？

 

 

 

哦～原來帶我黎呢間：　

ｃｕｔ少話呢間出名食漢堡飽，於是ｃｕｔ少幫我叫野食

叫左個雙層芝士蛋漢堡給我吃～　　　

　

ｄ芝士留緊出黎，好大份呀～　　　　

內裏的漢堡扒，唔同ｍ記嗰ｄ，厚厚的牛肉內有洋蔥粒同磨菇粒，又因為即叫即整的關係，所以成個飽都又熱又香，又鬆軟，ｏｋ好味呀～

ｃｕｔ少就要左個魚柳飽，塊魚柳原來係龍脷柳！都好正～

 

價錢好平民化，真係好抵食～不過呢．．．．

可能當日天氣炎熱，間舖又細，又開放式廚房，所以成間都好油煙又好熱！

我建議大家坐中間長枱坐，有冷氣有風扇吹下，食得舒服ｄ！

起初黎到都有位坐，但食到一半已經勁多人喇，原來真係好多人黎食～

我見大份人都係叫漢堡飽食，另外炸雞脾都好多人叫，

大家有機會經過黃埔，去試下啦～　

 

問ｃｕｔ少點知有好野食，佢死口都唔講．．．．哼！

 

時新快餐店

紅磡黃埔街1A地下　

 

 

620呃飲呃食生日飯局

要回顧!！

因為。。。。。

太開心！ 太飽！太抵食！

最後，最重要係有驚喜嘛！！（鬼馬ｅｎｄｉｎｇ）

 

擔心左幾日，一直同餐廳員工聯絡，起初怕唔夠食，於是將餸菜加加減減，

ｏｋ左，又驚太多食唔晒，但，又唔好意思再更改菜單，

而且聽講，蝗蟲所過之處，寸草不留！於是唔改，去馬～

１５人食１２碟大大碟。從而去挑戰每一個人的食量！

另外，其實早幾日已知道有壽包送，不過我冇通知大家，菜單上也冇印上，

係因為唔想給大家及壽星仔知道！所以忍忍忍忍忍。。。。。。

 

６月２０（五）

７點５到餐廳，

坐底冇耐，可以上菜，

先黎碟蝦，跟住花支片帶子，再黎扒生菜，

（心諗，點解今晚ｄ餸菜上得咁快既？要唔要叫佢地停一停呢）

點知，突然間，問題出現左＞＞＞＞＞＞＞＞

（吓！唔係化？？？？個心晌度諗：真係唔好意思呀各位，如果有咩事，我會過意唔去呢）

羊扒上場，大家被中間道火吸引著。

跟住爆丈雞上場，

突然間，

老闆送多支紅酒黎喎！

蟹蓋燴元貝伊麵，我第一次食，都ｏｋ！（我開始覺得飽）

到今餐主角出場，唔知咁大大大大大碗蟹粥大家見過未？ｄ粥真係好好味架！估唔到大家食得晒，老闆仲將蟹蓋粥給壽星仔呢！

大金鮋真係好大條呢～

咦～扒生菜再黎多碟喎！！！！！！！！！！！！！！送架～送呀～送架！

鮑魚翅湯好正，好清甜！不過。。。。。

扒碧綠一般啦～

絲網鮮蝦卷都係一般啦～～

燉官燕，今次水準失左呀！冇我上次黎咁好食既？？？可能已經太飽了！！味雷失去感覺！

連最後一碟生菓都上埋，

壓軸節目仲未見有既?

等等等。仲未得？

於是想同老闆講，點知我一起身，老闆知我想講乜，哈！

我明喇，原來佢要等埋其他圍數食清晒野先開始～！

突然間的全場關燈，播上生日歌，送上插有蠟燭的壽包，

Ｂｒｕｃｅ，唔好睥我呀！係大家及老闆的心意呀！！！！！！！

突如其來的驚喜，為你，為大家帶來一個勁開心又難忘的晚上。

 

 

要鳴謝：團長Ｈａｚｅｌ吹雞約人，ｌｕｌｕ的生日筆記，以及大家肯賞面長途跋涉黎香港區食呢一餐＜＜阿拉斯加大蟹全包宴＞＞。

 

Ｂｒｕｃｅ，

Happy Birthday~~~~~~

 

ｐｏｓｔ相（要偷相ｐｏｓｔ先啱，唔該ｂｒｕｃｅ＆金爺）

我之前食過嗰幾碟菜，我唔再ｐｏｓｔ喇。

ｐｏｓｔ新菜啦：

牛油芝士百花釀蟹蓋燴元貝～伊麵底　

清蒸鴻運大金鮋　　

櫻花白雲扒碧綠　　

壽包一碟　　　　　

最後，黎張大合照　　

 

620 呃食男女西灣河全包宴

日期　：　６月２０（星期五）

時間　：　晚上７時半

地點　：　西灣河泳池餐廳

地址　：　西灣河鯉景道５２號港島東體育館２字樓（電影資料館隔離）

人數　：　１５人（１圍 ）

Ｈａｚｅ  x ２，Ｌｕｌｕ  x １，ＨＨ  x ２，Ｇｏｌｄｅｎ  x ２，Ｃｈｐ  x ２，

Ｂｒｕｃｅ  x ２，Ｃｈｕｎｇｓ  x ２，Ｃｕｔｔｅｒ  x ２　

集合地點及時間：

６月２０，晚上７：００～７：１５

西灣河地鐵站Ａ出口等

駕車團友，ＣＵＴ少話附近有公眾冇蓋停車場

 

＜＜阿拉斯加大蟹全包宴＞＞

川芎元肉杞子桑拿蝦　

蝦子鮑片金錢扒生財　

喜氣洋洋新疆炭燒火焰羊架　

百合腰果西芹花支片帶子　

牛油芝士百花釀蟹蓋燴元貝～伊麵底　

（雖然未品嚐過，但聽講ｏｋ）

阿拉斯加大蟹粥　

春回大地爆丈雞　

海龍皇鮑魚翅湯　

櫻花白雲扒碧綠　（未品嚐過）

清蒸鴻運大金鮋　（未品嚐過）

上湯過橋絲網鮮蝦卷　

南瓜椰汁珍珠燉官燕　

生菓拼盤

紅酒一支及鮮橙汁一渣

 

合共＄２,１００.-（免加一）

可先欣賞我早前品嚐過的菜色 :

 426 Gathering @ Sai Wan Ho - PART 2 

 

我見人多關係，所以叫多左幾道菜來．期望當晚每位團友，吃得開心外，更吃得滿載而歸吧！（我指個肚滿載而歸，哈哈）

 

好開心今次第一次加入，就由我負責ｂｏｏｋ枱及簡選菜單，但要麻煩ｎｕｔｓ媽幫手約人，真唔好意思！　如果有咩做得唔好請多多包含！

 

一年一度的父親節

６月１５（日）父親節。

晨咁早由Ｃut少駕車出紅磡等父母，再由紅磡出發，車佢地去端記酒樓飲早茶～

去到早上８時，找到位後，由爸爸負責沖茶，我地負責清洗杯碗，搞掂晒後，就由我帶父母走出去取點心，媽咪好似好興奮喎，爸爸都係！倆個不停望不停攞，好似大細路一樣。

今次影左好多相，吃了未食過的食物，過足引呀！

唔講咁多住，睇相先～

 

終於見到呢架車喇。。＂山水名茶　懷舊點心＂

香片，水仙，壽眉，普洱，各種茶葉，任君選擇。

大大細細蒸籠～    

我鍾意吃的咸水角，春捲。。。

仲有燒味：义燒，油雞，燒鵝，樣樣有。

Ｃut少最想吃的大包，今次有得吃喇～

爸爸攞番黎既芋頭角，買相同我地出面食開有出入呀

爸爸第一時間攞返的點心～西米角，內裏係蓮蓉餡，我未食過也未見過呢

媽媽攞俾爸爸吃的灌湯餃～

抄銀金粉                    

好少見到的鵪鶉蛋燒賣！

 我地仲攞左燒賣，腸粉，臘腸捲。。。。。。等等

 

食飽飽後，酒樓開始勁多人喇（電視的宣傳，影響真大）我地要離開酒樓，就由我駕車離開大帽山，入大埔，車父母去林村及大尾篤行下。

唔好笑我又去呢二撻地方呀，我暫時淨係識去呢幾處咋。。

 

****

 

在我完全冇留意的情況下，差Ｄ衝紅燈。

好在Ｃut少在傍大叫我停車，嚇親大家呢！好彩停得切。。。

 

揸車時，千期唔好發夢！

 

 

http://hk.myblog.yahoo.com/jw!ocowQ_ifGRR3G2Vi_ug1iGw.uA--/article?mid=1499

戦え絶滅動物 ~ 扭蛋

近日喜愛扭蛋

數日前，在屋企附近間玩具之森，給ＣＵＴ少發現左。。

戦え絶滅動物 Ｐａｒｔ３～扭蛋機

於是乎，用＄１０扭第一個。。。樣子好可愛呀！

按比例，頭比身形大得多～～

再扭多次，就給ｃｕｔ少扭到佢想扭的～～鸚鵡

附有咭紙，介紹佢地的生活，居所，絕減的時期。。

錯過頭ｐａｒｔ１ ＆ ｐａｒｔ２的扭蛋呢～唯有睇圖。。

Ｐａｒｔ　１。

Ｐａｒｔ２的始祖鳥太可愛，邊度仲有得扭呢？　　　　　　　　　　　　　　　　

好似會出Ｐａｒｔ４，唔知幾時呢～？

另外，上星期到旺角睇到佢，好想要，於買左，唔望有小雲小吉，要個ＰＡＴ　ＰＡＴ都好。。　　　　　　　　　　　

點知，係佢。。點解咁。。。醜樣？老師！