錦田區.. 執筍野..

４月２６（日）

今日約左１０點鐘做facial, 好眼瞓．．．．．．

整日都

, Cut少就最鐘意咁既天氣揸車．．

於是揸左架車入左去錦田食lunch．．

之後行紅磚屋以及錦田跳蚤市場

在跳蚤市場內竟然俾我搵到個鸚鵡溫度計，$5 咋~

另買左個貓草玩具包俾亞爸隻貓貓玩．．唔知佢聞到會唔會發癲呢?

仲有買左本貓貓圖案memo紙．．以及雀鳥形狀園藝裝飾品.

我唔洗減肥..!

媽媽日夜都嚷著要減肥~! 話夏天到, 要著咩咩到海灘曬喎.......

我仲偷聽到爸爸同媽媽計劃7月頭去唔知邊邊度同陽光玩遊戲..

又想掉低我... 嗯!

 

昨晚, 媽媽同爸爸晌廁所磅重... 我又磅

                       點解個磅支針唔郁既... 壞左?

 

媽媽叫左爸爸嗱嗱林攞另一個磅出黎...

我起初驚驚呀... 不過... 爸爸俾左d好嘢食我...

 

我就聽聽話, 企定定,  食零食...

我周身郁, 單腳企.... 大約450 gr.   

 

 

秘書節

４月２２（三）

 

原來今日係秘書節，我都唔知．．．．

直至老細突然間送上一瓶朱古力給我時．．．

我才恍然大悟！！！！

 

 

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

 

４月２０（一）老細突然請病假．．．

４月２１（二）老細好晏返到，所以冇去開早會．．佢見到我就同我講："剛才搭地鐵差ｄ暈到．"　我聽完問候一下．．之後佢回自己個位趴晌枱上休息．

不久佢電話響起．我無意中聽到．．．佢向電話中的另一邊說～～～～～～～　"星期六照胃鏡，ｄｒ話我ｔｅｓｔ到XXX 癌細胞指數好高．．．．．．

下．．．．．．．．．唔係咁大鑊呀！？

雖然，唔知咩事，但而我的不斷收風行為，得出的結果係．．今次唔係講笑的！

唉～點解會發生呢ｄ咁不快的事情呢．．．．．

４月２２（三）老細的突如其來的一樽朱古力，令我好窩心！也令我對佢改觀了！順便問候一下佢的健康狀況，佢竟答我："我就快死得喇～"　我當場呆左，立即回應佢："傻咩，邊有人咒自已死呀！"　佢就笑笑口對住我，之後冇出聲了．

 

要保重身子呀！注意生活習慣，我就當冇事發生啦！咩都聽唔到．．．

 

 

只有農曆新年才出現的.....

呢個篇網誌, 係給我個好朋友的. 妳呀!  係妳呀!

我知妳等左好耐... 

估唔到妳喜愛呢種遺忘了的新年糖果, 呢種咁甜爺爺的拖肥, 唔係人人接受到! 而我就對佢一d 好感也沒有呢..

講起, 我媽咪真的收藏左二個鐵罐,

應該係古董了......

當我返娘家拎出黎拍照時,

媽咪問我:  " 女呀, 妳影黎做乜? "

我答: " 我有個朋友想睇囉... 集體回憶呀!!!! "

 

呢個圓鐵罐, 大家見過嗎? 到現在也保存得好好, 呢個鐵罐媽咪用黎放縫紉用具, 針線....等等     

 

另一個係長方形的.. 但已經遺失了盒蓋, 而且盒邊二旁都沒有紳士及淑女圖案.

 

花街朱古力..Quality Street , 曾經消失了, 但近年一到農曆新年, 佢的蹤影又再出現, 不過包裝已經不同了..

呢d 圖片, 唔知有冇鈎起大家的童年回憶呢????

 

 

 

急症室..

４月１８（五）

零晨 2 時 50 分.

入左威記睇急症.................

被安排為次緊急病情況下, 等了15~30鐘後, 可以入內見醫生,

醫生替我滴入眼內的黃色液體好 "拿" 眼呀!!!!!!

check 過, 醫生告訴我眼角膜損了許,

丁促我於二星期內不能戴隱形眼鏡, 只可以戴有框眼鏡 !

等待期間, 仲係感到好痛呀~ 於是醫生再叫護士再替我用鹽水沖洗眼睛......

( 我真係一個好麻煩的病人 )

醫生寫信安排我到眼科檢查, 及給我星期五一日病假....

搞下搞下, 取埋藥後, 原來已經 4 點多喇,

離開時, 天都開始光了 !

 

感激Cut少 捱眼瞓都陪我睇急症, 仲向公司請埋星期五假陪我, ..

仲有呀...

星期五, Riko放大假, 我又請病假, 只得Cry 孤身作戰, 好內疚, 真係唔好意思呢...

 

休息了二日, 睡足二日, 現在舒服了好多.

但要我做二星期的四眼妹真的不能接受呢...!!

 

*上面張 獨 眼 雞 相, 係Cut少特登整出黎引我發笑 ! 仲要話等我隻眼好番晒後, 才幫雞仔除膠布!! 激死我~ 

 

做咩look住我???

媽媽又整鬼我喇....

佢將二隻pinga 穿左對腳上... .仲要申埋黎...

4隻眼望住我... 我驚驚呀...

 

好大霧..

４月１４（二）

一起身，望出去．咩都睇唔到 !

　　　　　　　　

　

成個屋苑被濃霧包圍著~

過左幾個字後，d霧開始散晒，終於見到馬鐵．．．

　　　　　　　　    不過also睇不見對面海呢．．．．

住左咁耐，今次係第一次見咁矇．．．

做不到

從好友 blog 文章中見到.. :

只要自己放開懷抱，用正面的角度去看待人事，世界就會變得很美。我希望所有我身邊的人，都能夠放開心懷、珍惜眼前、抱擁幸福。

 

真的可以嗎 ?

呢個復活節假, 好多謝Cut 少為我帶來好多節目, 呢4日裏的確過得非常開心.

但.... 當回復番平常日子後.....

情緒變動得很大,

又再一次無原無故, 失控地大哭!

好辛苦.... 好多時... 好多野... 都不能掌握在自己手中!

 

 

 

 

Cut少, 你曾經話過我思想好怪, 諗野會諗埋一邊, 轉牛角尖! 好極端! 。咁我的確係一個收埋自己的人,  我成日向你發皮氣, 但你都包容我, 愛惜我. 多謝你呀! 

塞米

塞米 = 塞粟米！

好早前已經發現，傻豬  greg 仔

有呢種無聊玩意~

就係將糧食中的乾粟米粒，塞入不同款式的膠珠洞洞內

呢d膠珠係我用皮繩串起來給 greg仔玩的，佢一得閒無聊就會拆散D膠珠黎咬下玩下．有一次，我拎起籠底D膠珠，諗住再串起來給佢玩，點知條皮繩穿極都穿唔到，個洞好係有野塞住，再望下先發現有粒粟米塞左入去，初時, 佢會咬到粒粟米細細粒，啱啱好塞入去，從外面睇，跟本睇唔見粒膠珠有野塞住o架! 我都比佢玩左我好幾次喇~! 有時粒粟米塞得太實，跟本用手抆唔到出黎要用鉗挾番出黎先得!

 

真係唔明? 真係好想睇下佢點將粒粟米塞入去．

復活 413 @ 紅+紫的組合

４月１３（一）

今日係呢個復活節期假的最一日了。

搞番個 Red & Purple One Day Tour !

12:00pm, 我同Cut少出門駕車, 約左奶奶及4家姐晌家屋樓下等,

等齊人就出發lu~~~~~~~~~~~~

                            第一個目的地去左粉嶺摘士多啤梨..

                           今次係第2次黎, 個場比以前大左dd 喎, 多左幾塊田供大家採摘, 但可能今日係假期最後1日, 又靚又大粒的都給人摘晒, 所以

 唔多了。

 

            

                           不過俾多d耐性去尋找的話, 都搵到又紅又大粒既

 ! ( 奶奶好西利! 摘親都又大又紅, 而我, Cut少及4家姐 3個都係玩玩下. )

                      呢處不用入場費, 只要採摘夠1磅, 就可以用$40拎走手上的

 ~! 我地4個急不及待晌園內用水清洗過後立即食落肚, 都好甜呀! 

另外還有西瓜仔,蕃茄仔,花生, 蜜糖及士多啤梨苗供遊客買回家。

  

 

去完士多啤梨園後, 上車去下一個目的地..

             黎香薰園聞下薰衣草

 ,  呢處要入場費o架, 每人要拎$5. 出黎 !

 

離開香薰園後, 原本係去下一個地點係元朗的, 但途經粉嶺市區時, Cut 少話不如食下豬腸粉. 4家姐及我都舉手讚成, 於是咁就駛左架車入聯和墟舊街市附近, 搵一間轉角位的的舖間仔" 四眼仔腸粉" 排隊買腸粉,魚蛋,燒賣食先......

 

我地4個食左$5腸粉(4條) + $2燒賣(4粒) + $2魚蛋(6粒) , 真超抵食, 食完周圍行下, 再行入聯和墟搵左一間茶餐廳吃個下午茶休息下, 點知, 吃到一半聽到出面行雷, 跟住落埋雨tim, 仲越落越大! 大家迫不迫不得已回家....