到威院見營養師及產檢

3月31（四）

9：15am到達威院，先到付款處交$120見營養師費用，之後磅重度高糧血壓，再坐咗一陣，去見姑娘, 交血糖報告俾佢，我有二晚超標呀，因為我為食唔介口囉，一晚出街吃，一晚食公仔面，給姑娘話我，不過係善意的，之後再睇下我部血糖機，oh......原來由cut少姐夫借給我部血糖機的試紙，在上年年尾check 到有問題，要全面回收。姑娘要我去借回醫院指定的那部喎, 又會咁既？！星期六一定要去沙田借。

見完姑娘，等見營養師，咦~~ 係個男營養師呢，好細心地教我飲食，佢話我體重輕?，強烈要求我食足六餐！但每餐一定要跟足1800餐單內的食物／份量，唔可以過多也唔可以過少。 好開心~ 下星期已經唔需要再黎威院見營養師，只要自己控制到，隔二三日自己篤手指驗血糖，唔好超標, 跟足1800卡路厘餐單，捱到BB出世後，我就可以自由了. 為了BB 及自己的健康，我一定要支持落去呀！

見完營養師後，見醫生，到政府醫院覆診每次都冇得照超聲波見BB，只有聽吓BB 的心跳聲咋，check 完冇問題就走得。好在明天下午我到仁安做產檢時一定有得見，明天見啦BB。

晚上到赤柱dinner ~

我吃得唔多呀~~~ 放心放心......

又入貨

3月26（六）

今日去咗護協買BB及孕婦嘢，因為三家姐係護士，所以有員會價。的確呢度d 嘢比出面平，早知一早黎呢處入貨啦。

上到 1/F的親子天地, 超多人呀, 左簡右簡... 我又買咗一大袋嘢~

今次大約用咗$500.00-

 

Bonal妊娠軟膏$255 ( 市面大約要$320) 雖然, 好好彩我到而家都冇妊娠紋, 但皮膚就非常痕, 在forum上睇到d 準媽媽話呢隻都可以止痕, 於是買黎試下囉. 

 

kotex 產後衛生巾10片裝, $23 ( 唔知10片夠唔夠....?? 下次再去再買多包先 )

  
Arau 免沖水頭髮泡沫, $79.  ( 聽長輩講, 生完頭一二日, 唔可以洗頭, 對我來講不可能接受囉, 希望呢支嘢可以幫到我啦 ) 

 

  

pigeon 奶咀打孔 $23

  

嬰兒指甲鉸剪, $ 17 ( 之前買咗個 pigeon 指甲鉗, 今次買埋鉸剪 )

  

乳墊 32片裝, $40 ( 我想試下喂人奶, 所以應該啱我用. )

 

思詩樂BB專用清潔棉, $ 50 一包.


 

平常心去過每一日...

3月25( 五 )

今日開完會, k先生同我講 M小姐被W先生當眾咁多人面前鬧佢到喊..

於是我入?所睇下佢, 見到佢喊到收唔到聲, 搞到原本我想安慰佢的, 都咸埋一份, ( 孕婦d 情緒特別怪 ) 好在仲有S小姐晌度, 大家齊齊安撫佢及俾返d 正能量佢. 睇見佢都覺得慘, 回想起當年我都俾W先生搞到喊.............

呢間公司做唔長久, 好似同我一齊跟稿的同事, 車輪轉的, 幾個月走一個, 今次, 又同一時間3個齊齊遞信話唔do ,  真係唔太清楚而家 班80後係咩心態? 我做多 2 個月就放產假了, 我唔理得太多. 等公司高層再一次反省?啦~

~~~~~~~~~~~~~~~~~~~~~~~~~~~~~~~~

 近日, 我開始我的 1800卡路里 營養餐單了,  一日改食6餐, 但每餐都唔飽肚, 真係好唔習慣呀, 不過, 為?BB 為?自己, 點要忍?啦~

上圖係昨晚我獨自一個在家吃的晚餐( cutter 約?朋友外出吃飯 )

下圖係我今日的午餐, 好清呢~

 

我又唔會餐餐咁清淡既~ 總之每餐少肉少飯, 少油 清菜多吃.

前日的拮手指, 一日4次的指數都可以維持到, 唔高過7 都ok 喇~~

聽妊娠糖尿講座 @ 威爾斯醫院

2011年3月23日上午4:27公開累積瀏覽 279 0

3月21 （一）

今日去威院聽講座，先到新主樓交錢，再去舊翼聽講座，原來今日要聽二個講座，但我又唔知，搞到第一個講座遲到咗15min~30min, 好在唔係講咗好多咋，

講座室內大約有十名孕婦，第一個講座係一位營養師教我哋點去控制飲食，跟足1800營養餐單, 直至生完BB為止，講座需時一個鐘。

第二個講座係一名威院護士講解妊娠糖尿病的成因，對孕婦及BB 的影響，最後教我?點用測血糖機，講座又係大約一個鐘。直至12：30完晒所有講座。

至於部血糖機可以到指定地方租借，按金$400用到生完BB後一個月，到租借地方交還便可, 但試紙及針就要另外俾錢買。

姑娘要我?每個星期簡選2日去拮手指，當日做4次( 早上空肚1次, 早餐後2個鐘1次, 午飯2個鐘後1次, 以及晚飯2個鐘後1次, 一共4次 )  將測試結果寫出黎, 逢星期四回醫院交測試報告.

我的1800營養餐單~ 
  

屯門三聖村食海鮮

3月19 ( 六 )

趁著還有 2 架車, 於是今日成家人11個, 坐 2 架車周圍遊~

首先 Cut 少來接我放工, 3:00 回 ma on shan 車其他人,

1 號車有: 二姐夫, 二家姐, 奶奶, 四家姐, 王子喂,  5人

2號車有: Cut少, 我, 大家姐, 大姐夫, 三家姐, 三姐夫, 6人.

首先到流浮山行~  行完一輪, 駕車入屯門三聖村, 因為唔識路的關係, 兜兜轉轉終於黎到...

先到出面簡海鮮~



我哋今晚到興記海鮮食, 呢間超多人, 好在我哋去到有位咋, 如果黎遲一步的話, 有排等呀 ...  

買完海鮮, 拎入興記, 同呢度D 侍應講點煮~~~



今晚菜式有 :  

 
 
 
 
 


買海鮮大約 $ 2xxx , 酒家埋單大約 $1xxx, 合共$ 3xxx ~ 4xxx

胎動

3月19 （六）

自從上次BB冇胎動嚇親後，而家好留意BB 的郁動，不過呢~近排佢又真係好活躍！下下都踢得好大力，可以話完全感覺到佢晌我肚內轉來轉去，有時會見到個肚皮郁！感覺好得意呀！真係好想捉住呢個反斗豬！

呆等@威院。到仁安做產檢

3月18 （ 五）

今日到威院見醫生及營養師，2:00pm去到竟然等到.....4:00pm ,終於叫我名字了，不過唔係見醫生又唔係見營養師，只係到登記處，通知我下星期一再到另一大樓登記交錢聽妊娠性糖尿講座。吓！等咗2個鐘竟然叫我星期一再黎過？真係好好笑囉！咁點解要我等2個鐘呢？嘥我時間嘥我假期！跟住啱啱老公打黎，話一陣6:00pm黎唔到陪我去仁安做產檢，真係呢......嬲到爆呀！

6:00pm 到仁安醫院，驗尿，糧血壓都正常，聽到姑娘話霍醫生一陣要做手術，所以今次好快見醫生，一入到醫生房，霍醫生就問我BB有冇踢我？嘻嘻。我同佢講我血糖高俾咗份報告佢睇，佢就話我算偏高，小心飲食，少肉少飯，少量多餐，我問佢可否黎呢度睇，佢話見營養師冇問題，但就安排唔到入院，因為政府會見營養師，食營養餐，安排入院抽血，再借部機拮手指驗血....喎。佢仲話政府嗰邊會密d 見我，叫我可以衡量下私家呢邊減產檢次數。講解完一輪後，見埋BB，BB 又扒咗晌度。跟住又見到BB 五官，腳仔，霍醫生話BB 一切正常，有1kg 唔超重！安落d !

返到屋企，晌樓下千色店買BB?！



pigeon嬰兒指甲鉗, pigeon 洗奶瓶 刷, Nuk 洗奶咀海綿及 小黃雞三層奶粉盒

太過份

【蘋果轉載】新鴻基宣佈旗下商場 apm今日起派發一萬份「抗輻射窩心包」，內附碘酒、口罩、便利雨衣等，又在其他 11個商場派發「防輻射健康攻略」，內附口罩、綠茶茶包，指綠茶可抗輻射。 .......

會唔會有點兒過份呢？你呢種行為，真係好無知囉！正正令到香港蒙羞！！

搶購食用鹽可防輻射？點解香港人會變成咁呀？

太過份

【蘋果轉載】新鴻基宣佈旗下商場 apm今日起派發一萬份「抗輻射窩心包」，內附碘酒、口罩、便利雨衣等，又在其他 11個商場派發「防輻射健康攻略」，內附口罩、綠茶茶包，指綠茶可抗輻射。 .......

會唔會有點兒過份呢？你呢種行為，真係好無知囉！正正令到香港蒙羞！！

搶購食用鹽可防輻射？點解香港人會變成咁呀？

血糖過高...

3月15 ( 二 )

今日下午請假, 到健康院睇報告,  好衰唔衰 個iphone  hand 鬼?, 開唔到機, 想打個電話都唔得.. 激死 ~!!!

原本約?2:00PM, 點知遲?30min... 去到先見護士長, 通知我血糖指數比正常高, 另外, 我test 到對德國麻疹冇抗體, 護士要求我生完BB 後要安排打針,  確保懷第二胎時不受感染.  ( 其實, 我冇諗過生第二胎呢 )

見完謢士長後, 再安排我見醫生, 醫生同我講, 抽第一支時, 血糖正常. 但飲完糖水, 等 2個鐘後再抽血驗, 就驗到血糖比正常為高, 我問醫生我超?幾多, 佢話正常係8.5 以下, 但我就驗到有 10.5 , 所以要 call我黎, 叫我到威院見營養師, 食營養餐單, 有可能要我自己拮手指驗血呢.  仲話會將我 的case轉介去威爾斯醫院跟進, 所以暫時都唔需要再黎健康院 lu... 最後, 又叫我呢段時間唔好飲可樂, 唔好食太甜的食物.

大約3:15pm 己經可以離開健康院了, 姑娘都叫我趁時間尚早可以而家去埋威院, 但我部電話開唔到, 唔太方便, 怕屋企人搵唔到我, 於是冇去返?屋企喇 .  

可能本周五到威院.

收到call , 回健康院見護士長...

3月14（二）
今日下午，手提響起，一個冇來電顯示的電話，起初我仲以為係Cut 少call 我，點知係健康院打黎，通知我上星期五抽血糖報告出咗，要我明天下午2：00，回健康院見護士長講驗血結果，跟住再將我的case 轉交給威記跟進！我問可否改另一日，點知姑娘話唔可以，又話唔想再拖，一定要明天到，我比佢既說話真的嚇了一跳！只好乖乖聽從，一切留待明天知曉！  !

同事們都叫我唔洗太過膽心，可能見?營養師食?營養餐囉！ >.<

心情又一次沉重

3月12（六） 

311，這日的心情非常不安，因為昨日發生?二件極不愉快的事情，日本東北發生8.9級大地震，引發海嘯，海水湧入沿岸，將仙台沉沒，從電視畫面見到非常震撼！

仙台呢個地方對我黎講印象非常深刻，原因係我黎過二次，其中一次係honeymoon，所以對這地方留下好多回憶！突然間，腦海裏湧現起當年旅遊當地的人和事，非常膽心佢?人身安全！看見哋一下子農田家園盡失，感到非常難過，眼淚又不受控地流出來。

懷孕五個月的 Kelly 陳慧琳，昨日向傳媒宣佈，痛失二名孖女，呢個消息對我來講很傷心，但對於當時人來講係更痛心！

幸福唔係必然，請大家珍惜身邊人，祝福。

抽血 驗血糖

3月11 ( 五 )

今日BOOK 咗9:00 am 到健康院做抽血驗血糖檢查. ( 由昨晚12:00後, 就不能飲食, 我都只係飲咗少少水 ) 一早到達, 我拎到2號籌, 所以好快輪到我去抽第一支.

好順利地, 抽完第一支血, 姑娘要我飲一大杯葡萄糖水. 其實之前我在網頁搵過資料, 見D準媽媽話好難飲, 我都有個心理準備的. 點知飲?第一啖... 嘩~! 的確甜到啅喉 ! 仲咳?幾聲, 之後慢慢地小啖小啖地飲下去, 好辛苦才吞晒成杯落肚呢.

 &lt;~ 好難飲

飲完糖水後, 姑娘要我留晌健康院內2個鐘, 不得離開, 原因害怕我冇食?幾個鐘又抽?血, 會暈到喎.... 好在, 我拎?本媽媽雜誌來消磨時間 ^^

等到 11:30am, 姑娘叫我再抽第二次血, 嘩.... 今次姑娘在同一處抽血, 但今次抽唔到呀, 拮?二次, 好鬼痛呀....  抽完血後, 終於可以離開健康院了. 如果測試結果血糖過高的話, 會收到電話通知, 希望唔好收到電話啦, 下次 要到 22/3 再黎作產前檢查.

一步出健康院, 就有個女人截停我, 原來係美素佳兒派禮物, 我又入?會了.

換新車

3月10 ( 四 )

今日Cut少換新車呀 ^^  ( 其實係二手車才對喔~~ )

Cut少驗完車後, 就?過黎接我放工tim...

一架好可愛的藍色車仔, Cut少仲話呢架車仔細細好?我?呢~

擔心。飲泣。BB唔好嚇我

3月8 ( 二 ) 心情沉重

今日, 唔知點解全日都feel 唔到有胎動？肚內 BB 唔踢我?？.

之前做產檢時有姑娘提點我, 要我每day 數住 BB 踢我最少10次, 由早上返到公司9：00開始數，動一下用紙筆記下來，直至晚10:00前，因為BB 胎動次數好緊要的，如果冇10次的話就要立即見醫生, 而我之前又上網搵過資料, 有準媽媽因為肚內的 BB 被臍帶繞頸, 因而死亡的不辛事件深深記在腦內.  於是乎.......... 我就開始非常膽心..

放工時, 我真係好驚, 急call Cut少同佢講, 佢就立即駕車到油塘join 我到仁安醫院, 而我也有call 仁安急症查詢, 佢哋要我先到醫院後會call 醫生睇我.

坐Cut少車我到仁安時, 我全程都冇出過聲, 我腦海只想 BB 唔好有事, 當Cut少關心我問我嘢時, 突然間.... 我喊咗出黎, 又唔想Cut少膽心我, 怕影響到佢駕車, 於是飲泣, 但又一發不可收拾, 仲喊到收唔到聲.

去到仁安, 姑娘急call Fok醫生回院, 在等候其間姑娘替我糧血壓, 一切正常, 大約等4~5個字, Fok 醫生回到醫院. 立即見佢, Fok 醫生問咗我幾個問題後, 就叫我訓上床, 先聽BB 心跳聲, 聽到了, 成個人都安落晒, 跟住再照埋超聲波, 見到BB了, 仲親眼見到BB 手郁郁tim, 真係放心晒喇，Fok 醫生叫我有時用手郁下個肚, 又或者播d 勁歌聽吓, 老公仲即場問醫生有關臍帶繞頸的問題. 見完醫生後, 我同Cut 少都可以安心d, 交埋千幾元診金後, 便回家休息

可能我太緊張了, 但媽媽真係好害怕失去你, 又太在乎Cut少, 搞到自己好唔開心, 媽媽會盡量學習放鬆心情, 做個快樂靚媽媽！

再戰一田BB展

3月6（日） 

今日一早，同Cut少駕車到一田，趁今日BB展尾二日再黎一田入貨，今次我?買?3大3細 pigeon 奶瓶、二包紗布、二包短身和尚袍、一盒濕紙巾及一盒替BB清潔的用棉花棒。

行完一田，再行荷花，原本諗住晌新城市買孕婦衫，點知睇唔?又貴，唯有上網訂啦！