10年11月19日 ( 五 )
今日第一次到仁安醫院做產檢.
原本約咗4:30PM , 點知我同先生都因公司事遲?... 去到都已經5:00PM 喇... 俾姑娘話?幾句啦. 之後, 姑娘幫我驗尿, 量血壓, 磅重 ..... 一切正常~!
等咗一陣, 好快見到霍醫生( 女醫生 )佢幾好人呀, 所以我都諗住搵佢幫我接生.. ^^ ( 其實係做護士的三家姐, 經佢朋友介紹話仁安霍醫生好, 所以book 咗佢 )講解完一輪, 就上床照超聲波, 好緊張呀, 見到BB 喇 ...
成個人仔身形都出現晒, 手腳都見到, BB仲晌我肚裏 手郁郁ar, 好得意呀... 老公仲話佢好似游緊水喎... ^^ 好感動呀.. 醫生幫BB度身長, 話正常^^
因為 一早book 咗12月在威院做OSCAR test , 所以霍醫生話等我出咗報告先, 明年1月再搵佢 ^^
至於我條頸, 霍醫生話要等到我生完BB 才會慢慢痊癒喎.... 而家係冇得食藥及搽野.... :(
醫生開咗止嘔藥及維他命給我後, 就可以離開醫院了.
