到威記產檢

4月28(四)

今日11:00am 到威記做檢查,  好多人呀, 我又等咗成個鐘, 但見醫生都係見咗15min. 我唔記得帶驗血糖紙, 又俾醫生話咗幾句囉....

唔鍾意到政府醫院的原因係, 等見醫生非常耐~~!!!  永遠冇得照超聲波~!! 冇得見BB~!! 問多D野, 醫生的都唔想答你..  一D 親切的笑容都沒有~~!! 反觀... 我睇開的私家好好多, 有問必有答, 次次都可以見到BB, 又會解釋BB 而家的狀況, 上次 4月15日到仁安見醫生時, 霍醫生同我講, BB 而家有3磅幾, 一切正常, 我諗而家應該有4 磅卦....

呢排... 晚晚都有磅重, 一直都留意到自己的體重, 但成個月一直都維持120磅, 冇重過~!!! 今日到威記磅重糧血壓時, 血壓正常, 而體重只有54kg.... 我偷睇到排我後面的媽媽有成76幾kg , 足足重我20幾.....其實都有少許担心呀, 不過記起上次到仁安產檢時, 霍醫生都有同我講過, 話我冇重過, 但佢check 到BB體重有增加, 算正常, 即是肥B唔肥人, 叫我不用太担心, 總知要維持心境開朗, 控制飲食.

日日見面的同事們, 日對夜對的老公.. 佢哋都有話我瘦咗, 我自己都覺, 不過知道BB健康就得啦~ 同事們仲話我, 以我的身軀, 生完好快KEEP 番以前喇~! good ~!!!

估唔到亞峰太太都同我一樣, 有妊娠糖尿, 佢仲同我講佢太太肥咗好多.. 哈哈, 唔洗怕, 大家一齊努力呀 ~!!!

4天復活假

4月25 (一) 今日一早，同老公駕車出旺角飲早茶，之後行?花墟散下步，就回家休息，由12點?到3點，之後再同老公駕車到井頭村 garden farm golf centre 食 tea , 好舒服的一個地方，好唔想離開。之後4點幾回家換季。

4月24（日）今日一早同老公食個早餐後，就陪我到診所睇醫生，我d咳仲未好番呢。下午，約咗二家姐二姐姐夫及四家姐，一同遊車河，到企嶺行下，遇見隻非常熱情的唐狗，見到我哋就跑過黎企起身飛撲過黎, 家姐們驚隻狗整傷我, 於是離開, 又駕車到另一處~~> 北譚涌. 原本諗住落車行下, 點知多人到呢. 又冇車位泊.. 於是又要離開回家, 我吃了藥, 好攰好眼瞓... 於是回家zzzzzzzzz

4月23( 六 ) 今日到美孚, 同老公繼續尋找貓頭鷹的蹤影, 尋找完一輪都唔見, 都有少少失望的, 之後到食店食午餐醫肚, 當回程時, 見到一大班攝影發燒友聚在一起. 支支大嘢向住棵樹, 就知道..... 我哋找到了目標了.  

4月22( 五 ) 今日係假期的第一天, 老公話想尋找野生貓頭鷹的蹤影, 於是陪佢, 駕車向錦田出發. 皇天不 負有心人啦, 一去到, 士多老闆己經話俾我哋知貓頭鷹的所在處, 真係給老公親眼見到了. 興奮的佢不段用佢支大嘢狂影相. 我都好開心, 第一次親眼見到野生貓頭鷹. 仲親眼睇到佢可以180度轉頭呀~!!!!

Greg 仔生日會

4月10 ( 日 )

今日約咗幾個同是養鸚鵡的朋友上黎我屋企.

因為今日我哋搞咗個 greg 仔 8歲生日會

 
 
5隻鸚鵡及大肚婆一起合照

 佢哋仲買咗好多生果上黎我家......

血糖機

終於... 到沙田廣場,

用 $400 租?部血糖機了 ~

可以用到我生完後一個月後, 到只指定商戶交回血糖機, 取回 $400 的.

不過, 針同試紙 就要另外俾$$ 大約 $250.. . 啦~

近排, 都有一直驗血糖, 時高時底啦~

我一定要控制好的 ^^

到水口村掘硯~

4月5 ( 二 )

我?幾個趁老爺奶奶回鄉拜山的時期..

老公建議今日約埋二個家姐及帶埋我到, 大嶼山水口村掘硯.........

下午12點出發,

由CUT少駕車, 我, 四家姐,  二家姐二姐夫的肥仔, 一共六人, 拎埋工具.

先到東涌泊車, 再吃過午飯, by 11號大嶼山巴士 入水口村...

嘩~~ 去到已經好多人了..

佢?不停掘.. 而我冇得掘, 只有企在一傍望住佢?掘掘掘囉~

今次佢?都掘到好多好大隻的硯呀，收穫都非常豐富　！　睇圖

直到5時, 要起程回家了~

今晚到二家姐家食飯,

嘩...............................

好多好多好多..硯呀, 煮?二大碟呢.. 但 我真的唔敢吃太多呢...

網上購物

4月7（四） 

上星期日晚上，從台灣網頁訂購9件孕婦裝，即晚收到確認信。今日一早又收到e-mail 已經來到香港，下午已經送到我公司了。唔計清明假期，其實只係2個工作天就直送香港，效率的確快 !

返到屋企即拆包裹，點數下數量是否正確，9件齊晒，再檢查一?衫裙有冇損爛，再續件續件穿上身試?是否?身。都ok啦，有d 大?少少，不過我應該會再增肉! 哈哈~

 

遲d 再到其他網頁遊覽?，試?訂BB衫，BB玩具，再去埋韓國、日本網頁睇下先。

4月1日到仁安產檢

4月1 ( 五 )

己經29週多D 喇......

( 老公要開會, 請唔到假, 今次又係得我一個到仁安 )  今日book 咗4:00 pm 到仁安醫院做產前檢查,  醫生第一句就問我有冇介口, 血糖正唔正常.... ,
又到見BB 時候了, 霍醫生話 BB 頭仔大咗少少, 肚腩仔屬於中型size ,  身長ok, 體重大約 1.3x kg, 全部正常. 起初醫生話頭仔大咗dd, 我都好膽心, 但經醫生親口講一切正常, 我都安落d~

照完超聲波後, 同醫生講我近排成日耳嗚, 原來好多準媽媽都有發生, 但原因不明, 不過霍醫生叫我可以睇吓一般家庭醫生 check 吓耳仔, 但大多數都冇事, 而且生完bb 後就再冇耳嗚了... 叫我不用太膽心的, 又會咁既..

book 咗下二個星期後再黎做產檢.

5:00pm 離開醫院, 坐仁安接駁的小巴回Ma On Shan ,  我又shopping la~

買咗對平底鞋給自己, 因為公司加咗人工, 想給自己開心啲...

賣鞋嗰二個sales 好健談, 同我講媽媽經, 讚我冇乜點肥, 又唔醜樣, 又冇腳腫, 不過就話我個肚好大, 唔似29 週, 又教我生完後一個月點修身, 又同我講生仔經, 唔好嗅太多笑氣, 又話順產我一定得, 哈哈~ 希望啦, 但我真係開始識驚了... 怕痛...

佢哋仲計平我呀呢對鞋~ $3xx.  同有經驗的人傾談真係穫益良多~ 好開心呀~!!

之後, 我又獨自到千色店行, 又係行買嬰兒用品那邊, 今次我又忍唔住手, 買咗d 毛毛玩具給肚內的BB . 第一眼睇就鍾意, 唔買唔得呢... 雖然老公話咁快買, 有排都唔識玩啦, 我答佢唔緊要, 又唔會過期的, 見到得意就買囉~