唉………
雖然張床夠大!但我成晚都冇乜点瞓過,應該係 生保床 ˊ_>ˋ
而朗朗仔就瞓得冧!
叫醒佢時,個樣好呆,好搞笑!可能唔知點解自己會晌呢度?
食完早餐,出發前往今日的目的地-- 麵包超人館!
首先坐地下鉄到名古屋駅,再到名鉄巴士總站購票(記得買來回車票1800円)乘坐巴士到「長島溫泉」渡假區總站下車,跟路牌指示,經過outlet,就到達了。
坐地下鉄
名鉄巴士總站
排隊等巴士 (22號巴士)
成架巴士計埋我哋,10個都冇!
可能平日,又下著毛毛雨。
大約20分鐘車程
見到樂園的過山車,就代表就快到
總站係機動遊戲樂園+Outlet,我地要經過Outlet才去到麵包超人館,但指示牌係冇超人公仔圖樣,只有日文,我地冇留意下,在Outlet 迷路了。
好在有日本人好心的指導下,我哋終於見光明!
終於大約11:00到達
地方一眼都望得晒!絕對唔怕小朋友走失!有室內有戶外,2間餐廳,1間麵包店及2間專買麵包超人精品店。
玩火!朗朗第一次開火爐!超搞笑!佢仲申隻手仔掂火,爸爸即場教導朗朗在嫲嫲屋企唔準玩火爐(^_-)
我對佢個屎片處理垃圾桶
好- 有- 興- 趣 !
我完全不用掂到垃圾桶任何地方,將舊屎片放上垃圾桶面,就好似碎紙機般慢慢地吸咗入去。超掂!
11:30有表演節目
所有卡通人物出晒黎!主角仲坐車車出黎,朗朗仔睇到非常投入;異常開心!
哈哈
give me 5
睇完表演,要食野,
我哋去咗其中一間餐廳食,突登叫咗呢碗烏東給朗朗仔食。因為食完個碗真係送咗比你,我拎咗返香港喇(*^^*)
食完,天不斷下雨,仲越落越大。
帶朗朗去精品店購物,避下雨囉。
爸爸幫同事買咗幾樣野,而呢架車仔買俾朗朗仔
大約2:00pm離開,去爸爸想去的地方Outlet - Jazz Dream Outlet 行下
真係非常大雨!
爸爸想買童裝比朗朗,而我就帶咗朗朗仔去LEGO 專門店玩
一落雨,天開始冷,坐巴士回程返酒店。
good
回覆刪除