祝福

星期五晚，相約左班舊女同事出黎食飯飲野傾計，

Bena , Esther, Teresa, Crystal & Me ~ 傾傾傾到十二點幾才散，

我仲替Teresa 的男同事改左個名叫 ........................＂早餐男＂

哈哈哈～過左個好開心的晚上。

 

星期六，約左班好姊妹出尖咀食飯，朱朱出年１月出嫁，所以今晚

我地一班姊妹談論當日的程序，遊戲，各人負責事項等。

美娟由台灣返左黎喎，仲電埋髮囉，超靚女啦！春風滿面，原來拍緊拖

朱朱結婚當日會到教堂行禮，我做過幾次姊妹，都未試過去教堂，

今次唔只觀禮，仲要幫埋手，一定好深刻！

朱朱，放心啦，有我地班姊妹在，個婚禮一定搞得高高興興順順利利的。

真係好替佢開心，好想快Ｄ到呀。

祝福。

 

ｐｓ.高佩約定我出年三月去台灣玩，順便探美娟，我真係好想去，唔知有冇錢去，同埋唔知邊個會唔會唔放人呢。。。。。。